Sýret: QR Úkimeti
Qazaqstan Úkimeti alapat sý tasqynynan keiin shaǵyn jáne orta biznestiń múlikke qatysty shyǵyndaryn óteý úshin óz rezervinen 12 mlrd teńgeden astam qarjy bólý týraly qaýly qabyldady.
Óńirlik komissiialar kásipkerlerdiń ótinimderin qabyldap jatyr, dep habarlaidy Úkimettiń resmi saity.
Memleket basshysy Qasym-Jomart Toqaevtyń tapsyrmasy boiynsha Úkimet sý tasqyny saldaryn joiý boiynsha keshendi jumys júrgizýde. Qabyldanyp jatqan sharalardyń ishinde azamattardy jańa turǵyn úimen qamtamasyz etý, birjolǵy qarjylyq kómek kórsetý, úilerdi jóndeý men qalpyna keltirý shyǵyndaryn óteý jáne t. b. bar.
Zardap shekken bizneske keltirilgen zalaldy óteý jumysy bastaldy. Qazirgi tańda óńirlik komissiialar shaǵyn jáne orta kásipkerlik sýbektileriniń jalpy somasy 1,5 mlrd teńgege 178 ótinimin qarap, maquldady.
Jalpy alǵanda, ákimdikterdiń aldyn ala baǵalaýy boiynsha 746 ShOB sýbektisi zardap shekti. Olardyń qatarynda azyq-túlik dúkenderi, kafeler, TQKO, qonaq úiler jáne basqalary bar. Búginde baǵalaý jáne smetalyq jumystar júrgizilýde, olardyń qorytyndysy boiynsha ótinimder óńirlik komissiialardyń qaraýyna engiziledi.
Osylaisha, Úkimet rezervinen 12 mlrd teńgeden astam qarajat ShOB múlik shyǵyndaryn óteý úshin Aqmola, Aqtóbe, Atyraý, Batys Qazaqstan, Qostanai jáne Soltústik Qazaqstan oblystarynyń biýdjetine aýdarylady.
Sý tasqyny saldaryn joiý jónindegi jumys Úkimet basshylyǵynyń turaqty baqylaýyna alynǵan.
Esterińizge sala keteiik, buǵan deiin tótenshe rezervten Batys Qazaqstan jáne Qostanai oblystarynda áýedegi elektr berý jelilerin qalpyna keltirýge 2,4 mlrd teńgeden astam qarjy bólingen bolatyn.
