سۋرەت: قر ٷكٸمەتٸ
قازاقستان ٷكٸمەتٸ الاپات سۋ تاسقىنىنان كەيٸن شاعىن جەنە ورتا بيزنەستٸڭ مٷلٸككە قاتىستى شىعىندارىن ٶتەۋ ٷشٸن ٶز رەزەرۆٸنەن 12 ملرد تەڭگەدەن استام قارجى بٶلۋ تۋرالى قاۋلى قابىلدادى.
ٶڭٸرلٸك كوميسسييالار كەسٸپكەرلەردٸڭ ٶتٸنٸمدەرٸن قابىلداپ جاتىر, دەپ حابارلايدى ٷكٸمەتتٸڭ رەسمي سايتى.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ٷكٸمەت سۋ تاسقىنى سالدارىن جويۋ بويىنشا كەشەندٸ جۇمىس جٷرگٸزۋدە. قابىلدانىپ جاتقان شارالاردىڭ ٸشٸندە ازاماتتاردى جاڭا تۇرعىن ٷيمەن قامتاماسىز ەتۋ, بٸرجولعى قارجىلىق كٶمەك كٶرسەتۋ, ٷيلەردٸ جٶندەۋ مەن قالپىنا كەلتٸرۋ شىعىندارىن ٶتەۋ جەنە ت. ب. بار.
زارداپ شەككەن بيزنەسكە كەلتٸرٸلگەن زالالدى ٶتەۋ جۇمىسى باستالدى. قازٸرگٸ تاڭدا ٶڭٸرلٸك كوميسسييالار شاعىن جەنە ورتا كەسٸپكەرلٸك سۋبەكتٸلەرٸنٸڭ جالپى سوماسى 1,5 ملرد تەڭگەگە 178 ٶتٸنٸمٸن قاراپ, ماقۇلدادى.
جالپى العاندا, ەكٸمدٸكتەردٸڭ الدىن الا باعالاۋى بويىنشا 746 شوب سۋبەكتٸسٸ زارداپ شەكتٸ. ولاردىڭ قاتارىندا ازىق-تٷلٸك دٷكەندەرٸ, كافەلەر, تقكو, قوناق ٷيلەر جەنە باسقالارى بار. بٷگٸندە باعالاۋ جەنە سمەتالىق جۇمىستار جٷرگٸزٸلۋدە, ولاردىڭ قورىتىندىسى بويىنشا ٶتٸنٸمدەر ٶڭٸرلٸك كوميسسييالاردىڭ قاراۋىنا ەنگٸزٸلەدٸ.
وسىلايشا, ٷكٸمەت رەزەرۆٸنەن 12 ملرد تەڭگەدەن استام قاراجات شوب مٷلٸك شىعىندارىن ٶتەۋ ٷشٸن اقمولا, اقتٶبە, اتىراۋ, باتىس قازاقستان, قوستاناي جەنە سولتٷستٸك قازاقستان وبلىستارىنىڭ بيۋدجەتٸنە اۋدارىلادى.
سۋ تاسقىنى سالدارىن جويۋ جٶنٸندەگٸ جۇمىس ٷكٸمەت باسشىلىعىنىڭ تۇراقتى باقىلاۋىنا الىنعان.
ەستەرٸڭٸزگە سالا كەتەيٸك, بۇعان دەيٸن تٶتەنشە رەزەرۆتەن باتىس قازاقستان جەنە قوستاناي وبلىستارىندا ەۋەدەگٸ ەلەكتر بەرۋ جەلٸلەرٸن قالپىنا كەلتٸرۋگە 2,4 ملرد تەڭگەدەن استام قارجى بٶلٸنگەن بولاتىن.
