Shyǵys Qazaqstan oblysynda sý tasqynymen kúres jumystaryna Úkimet tarapynan 2 mlrd teńge qosymsha qarjy bólinedi. Bul týraly búgin Úkimet otyrysynda Premer-Ministr Baqytjan Saǵyntaev aitty, dep habarlaidy QazAqparat.
Premer-Ministrdiń aitýynsha, Úkimet tarapynan Shyǵys Qazaqstan oblysyna qajetti kómektiń barlyǵy kórsetiletindigin basa aitty.
«Danial Kenjetaiuly (ShQO ákimi Ahmetov) Sizdiń jazǵan hatyńyz kelip tústi. Qosymsha qarajat bólinetin bolady. Kómek retinde 2 mlrd teńge suraldy. Baqyt Turlyhanuly (Qarjy ministri Sultanov) sheshimderdi shuǵyl túrde daiyndańyz. Asqar Uzaqbaiuly (Úkimet basshysynyń birinshi orynbasary Mamin) jalpy respýblika boiynsha osy kúrdeli jaǵdai baqylaýyńyzda bolsyn», - dedi Baqytjan Saǵyntaev.
Al Danial Ahmetovtiń aitýynsha, búgingi kúni oblystyń tórt aýdany Aiagóz, Glýbokoe, Zyrian, Shomonaiha men Semei qalasynda tabiǵi sipattaǵy tótenshe jaǵdai jariialanǵan. Barlyq másele meniń turaqty baqylaýymda. Sý basqan jerlerde 570 qural-jabdyq jumyldyrylǵan. Arnaiy qurylǵan komissiia shyǵyndy eseptep jatyr. Qoǵam ókilderimen qosymsha 3107 adam tartyldy. Qazirgi kezde úilerdi qalpyna keltirý, jóndeý boiynsh jumys bastalyp ketti. Osyndai jumysty kúndelikti atqaryp jatyrmyz», - dedi oblys basshysy.
Onyń aitýynsha, Zyrianda sońǵy 60 jyla mundai sý tasqyny bolmaǵan. Buqtyrma ózeninde muzdyń qalyńdyǵy 2 metrge jetken.
«Qazir muz jarý jumystaryn júrgizip jatyrmyz. Biraq, búgin aýa raiy buzylyp, Óskemende de, Zyrianda da qar jaýyp jatyr», - dedi Danial Ahmetov.
