شىعىس قازاقستان وبلىسىندا سۋ تاسقىنىمەن كٷرەس جۇمىستارىنا ٷكٸمەت تاراپىنان 2 ملرد تەڭگە قوسىمشا قارجى بٶلٸنەدٸ. بۇل تۋرالى بٷگٸن ٷكٸمەت وتىرىسىندا پرەمەر-مينيستر باقىتجان ساعىنتاەۆ ايتتى, دەپ حابارلايدى قازاقپارات.
پرەمەر-مينيستردٸڭ ايتۋىنشا, ٷكٸمەت تاراپىنان شىعىس قازاقستان وبلىسىنا قاجەتتٸ كٶمەكتٸڭ بارلىعى كٶرسەتٸلەتٸندٸگٸن باسا ايتتى.
«دانيال كەنجەتايۇلى (شقو ەكٸمٸ احمەتوۆ) سٸزدٸڭ جازعان حاتىڭىز كەلٸپ تٷستٸ. قوسىمشا قاراجات بٶلٸنەتٸن بولادى. كٶمەك رەتٸندە 2 ملرد تەڭگە سۇرالدى. باقىت تۇرلىحانۇلى (قارجى مينيسترٸ سۇلتانوۆ) شەشٸمدەردٸ شۇعىل تٷردە دايىنداڭىز. اسقار ۇزاقبايۇلى (ٷكٸمەت باسشىسىنىڭ بٸرٸنشٸ ورىنباسارى مامين) جالپى رەسپۋبليكا بويىنشا وسى كٷردەلٸ جاعداي باقىلاۋىڭىزدا بولسىن», - دەدٸ باقىتجان ساعىنتاەۆ.
ال دانيال احمەتوۆتٸڭ ايتۋىنشا, بٷگٸنگٸ كٷنٸ وبلىستىڭ تٶرت اۋدانى اياگٶز, گلۋبوكوە, زىريان, شومونايحا مەن سەمەي قالاسىندا تابيعي سيپاتتاعى تٶتەنشە جاعداي جارييالانعان. بارلىق مەسەلە مەنٸڭ تۇراقتى باقىلاۋىمدا. سۋ باسقان جەرلەردە 570 قۇرال-جابدىق جۇمىلدىرىلعان. ارنايى قۇرىلعان كوميسسييا شىعىندى ەسەپتەپ جاتىر. قوعام ٶكٸلدەرٸمەن قوسىمشا 3107 ادام تارتىلدى. قازٸرگٸ كەزدە ٷيلەردٸ قالپىنا كەلتٸرۋ, جٶندەۋ بويىنش جۇمىس باستالىپ كەتتٸ. وسىنداي جۇمىستى كٷندەلٸكتٸ اتقارىپ جاتىرمىز», - دەدٸ وبلىس باسشىسى.
ونىڭ ايتۋىنشا, زىرياندا سوڭعى 60 جىلا مۇنداي سۋ تاسقىنى بولماعان. بۇقتىرما ٶزەنٸندە مۇزدىڭ قالىڭدىعى 2 مەترگە جەتكەن.
«قازٸر مۇز جارۋ جۇمىستارىن جٷرگٸزٸپ جاتىرمىز. بٸراق, بٷگٸن اۋا رايى بۇزىلىپ, ٶسكەمەندە دە, زىرياندا دا قار جاۋىپ جاتىر», - دەدٸ دانيال احمەتوۆ.
