Úkimet Parlament depýtattarymen birge tiimdi jáne júieli jumys júrgizedi. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda Úkimet basshysy Asqar Mamin aitty, dep habarlaidy QazAqparat.
«Jol kartasy jobasynyń árbir tarmaǵy pysyqtalyp, olardyń oryndalýy tiisti memlekettik organǵa jáne naqty basshyǵa bekitildi. Barlyq josparlanǵan is-sharalar partiianyń sailaýaldy baǵdarlamasyn tiimdi, ári sapaly júzege asyrýǵa baǵyttalǵan. Úkimet jol kartasynyń ýaqytyly oryndalýyn tolyq qamtamasyz etedi», - dedi Úkimet basshysy «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Onyń aitýynsha, usynylǵan sharalardy iske asyrý - sailaýaldy baǵdarlamanyń barlyq mindetterin tolyǵymen sheshýge jáne jańa jaǵdaida halyqtyń turmys sapasy men ál-aýqatynyń naqty jaqsartýǵa múmkindik beredi.
«Osy baǵytta Úkimet Nur Otan partiiasynyń Parlamenttegi fraktsiiasymen birge tiimdi jumys jasaityn bolady. Baǵdarlamanyń júzege asýynyń zańnamalyq negizin qamtamasyz etýde Fraktsiianyń róli úlken. Aldaǵy ýaqytta da Úkimet Parlament depýtattarymen birge tiimdi jáne júieli jumys júrgizetine senimdimin. Osyndai elimiz úshin jaýapty kezeńde Úkimet Parlamenttiń belsendi qoldaýymen aldymyzda turǵan mindetterdi tiimdi iske asyrý úshin bar kúsh-jigerin jumsaityn bolady», - dedi Asqar Mamin.
