Úkimet Nur-Sultan men Almaty qalasynan basqa óńirlerdegi saýda nysandaryna kelýshilerge tegin maska taratýǵa keńes berdi, dep habarlaidy QazAqparat.
«Nur-Sultan men Almaty qalasynan basqa óńirlerdegi iri saýda nysandaryna mynadai keńester berilip otyr. Nysanǵa kelýshilerdi tek maskamen kirgizý kerek. Azamat maskasyz kelse, olarǵa aqysyz maska taratý usynylady. Barlyq kelýshige koronavirýstyń aldyn alý boiynsha estelik paraqshalar berilýge tiis. Bazarlarmen qosa iri saýda-oiyn saýyq ortalyqtarynyń jumys ýaqyty saǵat 10.00-den 18.00-ge deiin dep bekitiledi. Azyq-túlik catpaityn bazarlardyń ýaqyty saǵat 11.00-den 17.00-ge deiin bolýy kerek», - dedi Eraly Toǵjanov Úkimettiń baspasóz ortalyǵynda ótken onlain rejimdegi brifing barysynda.
Úkimet basshysynyń orynbasary saýda-oiyn saýyq ortalyqtarynda barlyq kinoteatr, balalar ortalyǵy, adam kóp jinalatyn kez kelgen oiyn saýyq sharasy toqtatylatynyn eske saldy.
«Bul kezde dárihanalar men dúkender, dúńgirshekter jumys istei beredi. Biraq sanitarlyq óńdeý men qaýipsizdiktiń qatań sharalary saqtalady», - dedi ol.
