ٷكٸمەت نۇر-سۇلتان مەن الماتى قالاسىنان باسقا ٶڭٸرلەردەگٸ ساۋدا نىساندارىنا كەلۋشٸلەرگە تەگٸن ماسكا تاراتۋعا كەڭەس بەردٸ, دەپ حابارلايدى قازاقپارات.
«نۇر-سۇلتان مەن الماتى قالاسىنان باسقا ٶڭٸرلەردەگٸ ٸرٸ ساۋدا نىساندارىنا مىناداي كەڭەستەر بەرٸلٸپ وتىر. نىسانعا كەلۋشٸلەردٸ تەك ماسكامەن كٸرگٸزۋ كەرەك. ازامات ماسكاسىز كەلسە, ولارعا اقىسىز ماسكا تاراتۋ ۇسىنىلادى. بارلىق كەلۋشٸگە كوروناۆيرۋستىڭ الدىن الۋ بويىنشا ەستەلٸك پاراقشالار بەرٸلۋگە تيٸس. بازارلارمەن قوسا ٸرٸ ساۋدا-ويىن ساۋىق ورتالىقتارىنىڭ جۇمىس ۋاقىتى ساعات 10.00-دەن 18.00-گە دەيٸن دەپ بەكٸتٸلەدٸ. ازىق-تٷلٸك cاتپايتىن بازارلاردىڭ ۋاقىتى ساعات 11.00-دەن 17.00-گە دەيٸن بولۋى كەرەك», - دەدٸ ەرالى توعجانوۆ ٷكٸمەتتٸڭ باسپاسٶز ورتالىعىندا ٶتكەن ونلاين رەجٸمدەگٸ بريفينگ بارىسىندا.
ٷكٸمەت باسشىسىنىڭ ورىنباسارى ساۋدا-ويىن ساۋىق ورتالىقتارىندا بارلىق كينوتەاتر, بالالار ورتالىعى, ادام كٶپ جينالاتىن كەز كەلگەن ويىن ساۋىق شاراسى توقتاتىلاتىنىن ەسكە سالدى.
«بۇل كەزدە دەرٸحانالار مەن دٷكەندەر, دٷڭگٸرشەكتەر جۇمىس ٸستەي بەرەدٸ. بٸراق سانيتارلىق ٶڭدەۋ مەن قاۋٸپسٸزدٸكتٸڭ قاتاڭ شارالارى ساقتالادى», - دەدٸ ول.
