«Nurly jol» memlekettik baǵdarlamasyn iske asyrýǵa 2017 jyly 387 mlrd-tan astam teńge qarastyrylǵan. Bul týraly QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda qarjy ministri Baqyt Sultanov habarlady.
Qarjy ministrligi basshysynyń málimdeýinshe, «Nurly jol» memlekettik baǵdarlamasynyń biýdjettik bóliginiń jyldyq jospary 100 %-ǵa derlik igerilgen. Infraqurylymdyq jobalardy iske asyrýǵa, TKSh men turǵyn úi qurylysyn damytýǵa, bilim berý salasyndaǵy infraqurylymdy júzege asyrý qarajaty tolyq kólemde paidalanylǵan. Jergilikti deńgeide memlekettik baǵdarlama qarajatyn igerý de jetkilikti túrde joǵary - 98,7 %.
«Nurly jol» memlekettik baǵdarlamasy aiasynda 2016 jyly júrgizilgen kameralyq baqylaý jalpy somasy 221 mlrd teńge bolatyn memlekettik satyp alýlardyń 420 rásimin qamtydy, onyń 55 mlrd teńge somasyna habarlamalar jiberilgen.
Memlekettik aýdit nysandarymen anyqtalǵan qatelikter joiyldy. Sonymen qatar 17 mlrd teńge somasyndaǵy memlekettik satyp alýlar qorytyndysy qaita qaraldy; 38 mlrd teńge somasyndaǵy memlekettik satyp alýlar boldyrylmady.
Spikerdiń aitýynsha, «Nurly jol» memlekettik baǵdarlamasyna qatysqan tólemshilerden biýdjetke salyq kóleminiń ósimi baiqalady. Olardyń kólemi 2016 jyly 43,5 mlrd teńgeni qurady, bul 2015 jylǵydan 1,4 esege joǵary kórsetkish.
«Memlekettik baǵdarlamany iske asyrýǵa 2017 jyly biýdjetten 387,4 mlrd teńge somasynda qarjy qarastyrylǵan», - dedi B. Sultanov jáne barlyq memlekettik jáne jergilikti atqarýshy organdardy qazirden bastap qajetti sharalardy qoldanyp, «Nurly jol» memlekettik baǵdarlamasyn tiimdi iske asyrý maqsatynda biýdjettik rásimderdiń ýaqytyly júrgizilýin baqylaýda ustaýǵa shaqyrdy.
Eske sala keteiik, búgin Úkimette Infraqurylymdy damytýdyń 2015 - 2019 jyldarǵa arnalǵan «Nurly jol» memlekettik baǵdarlamasyn iske asyrý barysy jónindegi másele qarastyryldy.
Ult portaly
.jpeg)