Búgin Palata Spikeri, Májilistegi «Nur Otan» partiiasynyń fraktsiia jetekshisi Nurlan Nyǵmatýlinniń tóraǵalyǵymen fraktsiianyń keńeitilgen otyrysy ótti, dep habarlaidy tómengi palatanyń baspasóz qyzmeti.
Onda partiianyń «Qazaqstan 2021: Birlik. Turaqtylyq. Jasampazdyq» atty sailaýaldy baǵdarlamasynyń oryndalýy týraly Úkimettiń esebi tyńdaldy.
Beinekonfentsiia formatynda ótken keńeitilgen jiynǵa Qazaqstannyń Premer-Ministri Asqar Mamin, «Nur Otan» partiiasy Tóraǵasynyń Birinshi orynbasary Baýyrjan Baibek, sondai-aq, Úkimet músheleri qatysty.
Partiianyń sailaýaldy baǵdarlamasy týraly aitqan Májilis Tóraǵasy Nurlan Nyǵmatýlin, Qazaqstannyń Tuńǵysh Prezidenti – Elbasy, partiia kóshbasshysy Nursultan Ábishuly Nazarbaev parlamenttik fraktsiianyń aldyna «Nur Otan» partiiasynyń barlyq sailaýaldy mindettemeleriniń oryndalýyna tikelei jáne qatań baqylaý jasaý mindetin qoiǵanyn atap ótti.
Bul úshin Májilistegi «Nur Otan» fraktsiiasy Úkimetpen ózara is-qimyl jasai otyryp, apta saiyn Sailaýaldy baǵdarlamanyń oryndalý barysyna monitoring júrgizip, sondai-aq alynǵan mindettemelerdi oryndaý úshin zańnamalyq negiz qalyptastyryp, jumysty júieli túrde jolǵa qoidy.
Sonymen qatar Májilis Tóraǵasy Nurlan Nyǵmatýlin «Nur Otan» fraktsiiasyna múshe depýtattar úkimettik zań jobalarymen jumys isteýmen qatar, ózderi de 55 zań jobasyna bastamashy bolǵanyna nazar aýdardy.
Óz kezeginde, Úkimet basshysy baiandaǵandai partiianyń sailaý aldyndaǵy mindettemeleri negizinen oryndaldy.
Premer-Ministri Asqar Maminniń aitýynsha, iri infraqurylymdyq jobalardy iske asyrý, avto jáne temir joldardy, zamanaýi logistikalyq jobalardy jańǵyrtý nátijesinde 559 myń jumys orny quryldy. Mektepter men balabaqshalardyń qurylysy erekshe baqylaýda. 4 jyl ishinde 3 myńnan astam mektepke deiingi balalar mekemesi salyndy. Úsh aýysymdy jáne apatty mektepterdi joiý úshin 417 mektep paidalanýǵa berildi. Biyl-taǵy 56.
Asqar Mamin atap ótkendei, agroónerkásipti qarqyndy damytý jónindegi mindet dáiekti jáne júieli túrde sheshilýde. Aýyl sharýashylyǵy infraqurylymynyń 400-den astam jańa nysany iske qosyldy.
Úkimet qolaily iskerlik ahýal qalyptastyrýǵa erekshe kóńil bólýde. Biznesti júrgizý sharttaryn jaqsartý úshin retteýshi orta únemi jetildirilip, kedendik ákimshilendirý jaqsartylýda. «Doing Business» biznesti júrgizý jeńildigi halyqaralyq reitinginde Qazaqstan álemniń 190 eliniń arasynda 25-oryndy ielendi.
«Jańa áleýmettik saiasat» baǵdarlamasynyń baǵyty sheńberinde ataýly áleýmettik kómektiń jańa modeli engizildi. Reformalanǵan jumyspen qamtý ortalyqtary ámbebap qyzmetterdiń keń júiesin usynady. Kedeilik shegi eń tómengi kúnkóris deńgeiiniń 40%-ynan 70%-ǵa deiin ósti, bul muqtaj azamattardyń úlken sanyna áleýmettik kómek kórsetýge múmkindik beredi. Shaǵyn bizneske shaǵyn nesie berý kólemi 31 mlrd. teńgeden 83 mlrd. teńgege deiin ulǵaityldy.
Meditsinalyq qyzmetterdiń qoljetimdiligin, sapasy men tiimdiligin arttyrý úshin 2020 jyldyń qańtarynan bastap Mindetti áleýmettik meditsinalyq saqtandyrý júiesi kezeń-kezeńimen engiziledi.
«Qaýipsizdik jáne turaqtylyq» baǵyty sheńberinde Úkimet Elbasy men Memleket Basshysynyń halyqaralyq bastamalaryn ilgeriletý jónindegi is-sharalardy dáiekti túrde iske asyrdy.
Májilis Spikeri Nurlan Nyǵmatýlin birlesken jumys nátijeleri týraly aita kelip, buǵan eń aldymen, táýelsizdik jyldary Elbasy, Partiia Kóshbasshysy Nursultan Ábishuly Nazarbaevtyń strategiialyq baǵytynyń arqasynda elde turaqty ekonomika qurylyp, altyn-valiýta rezervteriniń úlken kólemi jinaqtalǵanyn, bul syrtqy syn-qaterlerge jaýap berýge múmkindik beretinin atap ótti.
Sonymen qatar Palata Spikeri Úkimet memlekettik jáne salalyq baǵdarlamalardy iske asyrý arqyly sailaýaldy baǵdarlamany oryndaý úshin barlyǵyn jasaǵanyn alǵa tarta kelip, osy jyldar ishinde depýtattyq korpýs barlyq qajetti zańnamalyq bazany qalyptastyrǵanyn aitty.
Osy oraida Nurlan Nyǵmatýlin:
- «Nur Otan» partiiasy elimizdegi negizgi jáne jetekshi saiasi uiym bolyp tabylady. Sol úshin partiiamyzdyń Tóraǵasy, Elbasymyz Nursultan Ábishuly Nazarbaev partiia aldyndaǵy barlyq mindetterdi, sonyń ishinde, sailaý baǵdarlamasyn oryndaý týraly árqashanda tapsyrma berip keledi. Sebebi, «Nur Otan» partiiasynyń sailaý baǵdarlamasy ol – Elbasymyz aitqandai, eldi saqtaý, táýelsizdikti nyǵaitý jáne ulttyń bolashaqqa baratyn joly. Sonymen birge, ol – saiasi, ekonomikalyq, áleýmettik bastamalardy júzege asyrýdyń kepili, – dedi.
Nurlan Nyǵmatýlinnniń aitýynsha, VI shaqyrylym barysynda «Nur Otan» fraktsiiasy depýtattarynyń sailaý aldyndaǵy mindettemelerin qarjylyq qamtamasyz etý jónindegi usynystary respýblikalyq biýdjetten jalpy 138, 3 mlrd. teńge somasynda qoldaý tapty. Biýdjet shyǵystary bilim berý, densaýlyq saqtaý salalaryn damytýǵa, sýmen jabdyqtaý, sý burý, aýyldyq eldi mekenderdi gazben jabdyqtaý, jalǵa beriletin turǵyn úi salý jáne t. b. máselelerdi sheshýge ulǵaityldy.
- Osynyń barlyǵy eldiń turaqty damýy men qazaqstandyqtardyń ómir súrý sapasyn jaqsartý jónindegi mindetterdi sheshýge múmkindik berdi. partiiamyzdyń Kóshbasshysy Nursultan Ábishuly Nazarbaev jáne Memleket basshysy Qasym-Jomart Toqaev osyndai mindetter júktedi, – dedi Májilis Tóraǵasy.
Sonymen qatar, jiyn barysynda birqatar máseleler belgili sebepter boiynsha tolyq kólemde oryndalmaǵany atap ótildi. Eń aldymen, olar naryqty otandyq azyq-túlik ónimderimen, sany 250 adamnan asatyn barlyq eldi mekenderdi joǵary jyldamdyqty internetpen qamtý, memlekettik jáne kvazimemlekettik sektordyń iri kompaniialaryn jekeshelendirý.
Otyrys barysynda, Nurlan Nyǵmatýlin:
– Koronavirýstyq pandemiia, álemdik naryqtardaǵy turaqsyzdyq - bul eskerýsiz qaldyrmaityn nárse ekeni túsinikti. Biz Úkimettiń osy máselelerdi sheshýde naqty joldary bar ekenin kórip otyrmyz, – dedi.
Májilis Tóraǵasy osy baǵytta qoiylǵan maqsattarǵa jetý úshin Úkimet barlyq qajetti sharalardy qoldanatyna senim bildirip, Parlament tarapynan baqylaýdy qamtamasyz etýdi jalǵastyratynyn jetkizdi.
Keńeitilgen jiyn barysynda «Nur Otan» fraktsiiasynyń depýtattary qazaqstandyqtar úshin ózekti máselelerge nazar aýdardy. Birinshi kezekte, ol elimiz boiynsha ásirese, aýyldyq jerlerde jalǵa beriletin turǵyn úilermen qamtamasyz etý. Sondai-aq depýtattar qarjylandyrý men qurylys kólemin, onyń ishinde jergilikti biýdjet qarajaty esebinen ulǵaitý qajet dep sanaidy. Jiynda ssy maqsattarǵa bólinetin biýdjet qarajatyn tiimdi paidalanýǵa jáne salynyp jatqan úilerdiń sapasyna baqylaýdy qatańdatý siiaqty basqa da máseleler qamtyldy.
Májilis depýtattarynyń pikirinshe, halyqty eńbekpen qamtýdyń belsendi sharalaryna tartýdy odan ári jalǵastyryp, osy baǵytta qabyldanǵan memlekettik baǵdarlamalardy úilestirýdi kúsheitip, ol týraly halyqty turaqty aqparattandyryp turý qajet.
