بٷگٸن پالاتا سپيكەرٸ, مەجٸلٸستەگٸ «Nur Otan» پارتيياسىنىڭ فراكتسييا جەتەكشٸسٸ نۇرلان نىعماتۋليننٸڭ تٶراعالىعىمەن فراكتسييانىڭ كەڭەيتٸلگەن وتىرىسى ٶتتٸ, دەپ حابارلايدى تٶمەنگٸ پالاتانىڭ باسپاسٶز قىزمەتٸ.
وندا پارتييانىڭ «قازاقستان 2021: بٸرلٸك. تۇراقتىلىق. جاسامپازدىق» اتتى سايلاۋالدى باعدارلاماسىنىڭ ورىندالۋى تۋرالى ٷكٸمەتتٸڭ ەسەبٸ تىڭدالدى.
بەينەكونفەنتسييا فورماتىندا ٶتكەن كەڭەيتٸلگەن جيىنعا قازاقستاننىڭ پرەمەر-مينيسترٸ اسقار مامين, «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك, سونداي-اق, ٷكٸمەت مٷشەلەرٸ قاتىستى.
پارتييانىڭ سايلاۋالدى باعدارلاماسى تۋرالى ايتقان مەجٸلٸس تٶراعاسى نۇرلان نىعماتۋلين, قازاقستاننىڭ تۇڭعىش پرەزيدەنتٸ – ەلباسى, پارتييا كٶشباسشىسى نۇرسۇلتان ەبٸشۇلى نازارباەۆ پارلامەنتتٸك فراكتسييانىڭ الدىنا «Nur Otan» پارتيياسىنىڭ بارلىق سايلاۋالدى مٸندەتتەمەلەرٸنٸڭ ورىندالۋىنا تٸكەلەي جەنە قاتاڭ باقىلاۋ جاساۋ مٸندەتٸن قويعانىن اتاپ ٶتتٸ.
بۇل ٷشٸن مەجٸلٸستەگٸ «Nur Otan» فراكتسيياسى ٷكٸمەتپەن ٶزارا ٸس-قيمىل جاساي وتىرىپ, اپتا سايىن سايلاۋالدى باعدارلامانىڭ ورىندالۋ بارىسىنا مونيتورينگ جٷرگٸزٸپ, سونداي-اق الىنعان مٸندەتتەمەلەردٸ ورىنداۋ ٷشٸن زاڭنامالىق نەگٸز قالىپتاستىرىپ, جۇمىستى جٷيەلٸ تٷردە جولعا قويدى.
سونىمەن قاتار مەجٸلٸس تٶراعاسى نۇرلان نىعماتۋلين «Nur Otan» فراكتسيياسىنا مٷشە دەپۋتاتتار ٷكٸمەتتٸك زاڭ جوبالارىمەن جۇمىس ٸستەۋمەن قاتار, ٶزدەرٸ دە 55 زاڭ جوباسىنا باستاماشى بولعانىنا نازار اۋداردى.
ٶز كەزەگٸندە, ٷكٸمەت باسشىسى بايانداعانداي پارتييانىڭ سايلاۋ الدىنداعى مٸندەتتەمەلەرٸ نەگٸزٸنەن ورىندالدى.
پرەمەر-مينيسترٸ اسقار ماميننٸڭ ايتۋىنشا, ٸرٸ ينفراقۇرىلىمدىق جوبالاردى ٸسكە اسىرۋ, اۆتو جەنە تەمٸر جولداردى, زاماناۋي لوگيستيكالىق جوبالاردى جاڭعىرتۋ نەتيجەسٸندە 559 مىڭ جۇمىس ورنى قۇرىلدى. مەكتەپتەر مەن بالاباقشالاردىڭ قۇرىلىسى ەرەكشە باقىلاۋدا. 4 جىل ٸشٸندە 3 مىڭنان استام مەكتەپكە دەيٸنگٸ بالالار مەكەمەسٸ سالىندى. ٷش اۋىسىمدى جەنە اپاتتى مەكتەپتەردٸ جويۋ ٷشٸن 417 مەكتەپ پايدالانۋعا بەرٸلدٸ. بيىل-تاعى 56.
اسقار مامين اتاپ ٶتكەندەي, اگروٶنەركەسٸپتٸ قارقىندى دامىتۋ جٶنٸندەگٸ مٸندەت دەيەكتٸ جەنە جٷيەلٸ تٷردە شەشٸلۋدە. اۋىل شارۋاشىلىعى ينفراقۇرىلىمىنىڭ 400-دەن استام جاڭا نىسانى ٸسكە قوسىلدى.
ٷكٸمەت قولايلى ٸسكەرلٸك احۋال قالىپتاستىرۋعا ەرەكشە كٶڭٸل بٶلۋدە. بيزنەستٸ جٷرگٸزۋ شارتتارىن جاقسارتۋ ٷشٸن رەتتەۋشٸ ورتا ٷنەمٸ جەتٸلدٸرٸلٸپ, كەدەندٸك ەكٸمشٸلەندٸرۋ جاقسارتىلۋدا. «Doing Business» بيزنەستٸ جٷرگٸزۋ جەڭٸلدٸگٸ حالىقارالىق رەيتينگٸندە قازاقستان ەلەمنٸڭ 190 ەلٸنٸڭ اراسىندا 25-ورىندى يەلەندٸ.
«جاڭا ەلەۋمەتتٸك ساياسات» باعدارلاماسىنىڭ باعىتى شەڭبەرٸندە اتاۋلى ەلەۋمەتتٸك كٶمەكتٸڭ جاڭا مودەلٸ ەنگٸزٸلدٸ. رەفورمالانعان جۇمىسپەن قامتۋ ورتالىقتارى ەمبەباپ قىزمەتتەردٸڭ كەڭ جٷيەسٸن ۇسىنادى. كەدەيلٸك شەگٸ ەڭ تٶمەنگٸ كٷنكٶرٸس دەڭگەيٸنٸڭ 40%-ىنان 70%-عا دەيٸن ٶستٸ, بۇل مۇقتاج ازاماتتاردىڭ ٷلكەن سانىنا ەلەۋمەتتٸك كٶمەك كٶرسەتۋگە مٷمكٸندٸك بەرەدٸ. شاعىن بيزنەسكە شاعىن نەسيە بەرۋ كٶلەمٸ 31 ملرد. تەڭگەدەن 83 ملرد. تەڭگەگە دەيٸن ۇلعايتىلدى.
مەديتسينالىق قىزمەتتەردٸڭ قولجەتٸمدٸلٸگٸن, ساپاسى مەن تيٸمدٸلٸگٸن ارتتىرۋ ٷشٸن 2020 جىلدىڭ قاڭتارىنان باستاپ مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ كەزەڭ-كەزەڭٸمەن ەنگٸزٸلەدٸ.
«قاۋٸپسٸزدٸك جەنە تۇراقتىلىق» باعىتى شەڭبەرٸندە ٷكٸمەت ەلباسى مەن مەملەكەت باسشىسىنىڭ حالىقارالىق باستامالارىن ٸلگەرٸلەتۋ جٶنٸندەگٸ ٸس-شارالاردى دەيەكتٸ تٷردە ٸسكە اسىردى.
مەجٸلٸس سپيكەرٸ نۇرلان نىعماتۋلين بٸرلەسكەن جۇمىس نەتيجەلەرٸ تۋرالى ايتا كەلٸپ, بۇعان ەڭ الدىمەن, تەۋەلسٸزدٸك جىلدارى ەلباسى, پارتييا كٶشباسشىسى نۇرسۇلتان ەبٸشۇلى نازارباەۆتىڭ ستراتەگييالىق باعىتىنىڭ ارقاسىندا ەلدە تۇراقتى ەكونوميكا قۇرىلىپ, التىن-ۆاليۋتا رەزەرۆتەرٸنٸڭ ٷلكەن كٶلەمٸ جيناقتالعانىن, بۇل سىرتقى سىن-قاتەرلەرگە جاۋاپ بەرۋگە مٷمكٸندٸك بەرەتٸنٸن اتاپ ٶتتٸ.
سونىمەن قاتار پالاتا سپيكەرٸ ٷكٸمەت مەملەكەتتٸك جەنە سالالىق باعدارلامالاردى ٸسكە اسىرۋ ارقىلى سايلاۋالدى باعدارلامانى ورىنداۋ ٷشٸن بارلىعىن جاساعانىن العا تارتا كەلٸپ, وسى جىلدار ٸشٸندە دەپۋتاتتىق كورپۋس بارلىق قاجەتتٸ زاڭنامالىق بازانى قالىپتاستىرعانىن ايتتى.
وسى ورايدا نۇرلان نىعماتۋلين:
- «Nur Otan» پارتيياسى ەلٸمٸزدەگٸ نەگٸزگٸ جەنە جەتەكشٸ ساياسي ۇيىم بولىپ تابىلادى. سول ٷشٸن پارتييامىزدىڭ تٶراعاسى, ەلباسىمىز نۇرسۇلتان ەبٸشۇلى نازارباەۆ پارتييا الدىنداعى بارلىق مٸندەتتەردٸ, سونىڭ ٸشٸندە, سايلاۋ باعدارلاماسىن ورىنداۋ تۋرالى ەرقاشاندا تاپسىرما بەرٸپ كەلەدٸ. سەبەبٸ, «Nur Otan» پارتيياسىنىڭ سايلاۋ باعدارلاماسى ول – ەلباسىمىز ايتقانداي, ەلدٸ ساقتاۋ, تەۋەلسٸزدٸكتٸ نىعايتۋ جەنە ۇلتتىڭ بولاشاققا باراتىن جولى. سونىمەن بٸرگە, ول – ساياسي, ەكونوميكالىق, ەلەۋمەتتٸك باستامالاردى جٷزەگە اسىرۋدىڭ كەپٸلٸ, – دەدٸ.
نۇرلان نىعماتۋلينننٸڭ ايتۋىنشا, VI شاقىرىلىم بارىسىندا «Nur Otan» فراكتسيياسى دەپۋتاتتارىنىڭ سايلاۋ الدىنداعى مٸندەتتەمەلەرٸن قارجىلىق قامتاماسىز ەتۋ جٶنٸندەگٸ ۇسىنىستارى رەسپۋبليكالىق بيۋدجەتتەن جالپى 138, 3 ملرد. تەڭگە سوماسىندا قولداۋ تاپتى. بيۋدجەت شىعىستارى بٸلٸم بەرۋ, دەنساۋلىق ساقتاۋ سالالارىن دامىتۋعا, سۋمەن جابدىقتاۋ, سۋ بۇرۋ, اۋىلدىق ەلدٸ مەكەندەردٸ گازبەن جابدىقتاۋ, جالعا بەرٸلەتٸن تۇرعىن ٷي سالۋ جەنە ت. ب. مەسەلەلەردٸ شەشۋگە ۇلعايتىلدى.
- وسىنىڭ بارلىعى ەلدٸڭ تۇراقتى دامۋى مەن قازاقستاندىقتاردىڭ ٶمٸر سٷرۋ ساپاسىن جاقسارتۋ جٶنٸندەگٸ مٸندەتتەردٸ شەشۋگە مٷمكٸندٸك بەردٸ. پارتييامىزدىڭ كٶشباسشىسى نۇرسۇلتان ەبٸشۇلى نازارباەۆ جەنە مەملەكەت باسشىسى قاسىم-جومارت توقاەۆ وسىنداي مٸندەتتەر جٷكتەدٸ, – دەدٸ مەجٸلٸس تٶراعاسى.
سونىمەن قاتار, جيىن بارىسىندا بٸرقاتار مەسەلەلەر بەلگٸلٸ سەبەپتەر بويىنشا تولىق كٶلەمدە ورىندالماعانى اتاپ ٶتٸلدٸ. ەڭ الدىمەن, ولار نارىقتى وتاندىق ازىق-تٷلٸك ٶنٸمدەرٸمەن, سانى 250 ادامنان اساتىن بارلىق ەلدٸ مەكەندەردٸ جوعارى جىلدامدىقتى ينتەرنەتپەن قامتۋ, مەملەكەتتٸك جەنە كۆازيمەملەكەتتٸك سەكتوردىڭ ٸرٸ كومپانييالارىن جەكەشەلەندٸرۋ.
وتىرىس بارىسىندا, نۇرلان نىعماتۋلين:
– كوروناۆيرۋستىق پاندەمييا, ەلەمدٸك نارىقتارداعى تۇراقسىزدىق - بۇل ەسكەرۋسٸز قالدىرمايتىن نەرسە ەكەنٸ تٷسٸنٸكتٸ. بٸز ٷكٸمەتتٸڭ وسى مەسەلەلەردٸ شەشۋدە ناقتى جولدارى بار ەكەنٸن كٶرٸپ وتىرمىز, – دەدٸ.
مەجٸلٸس تٶراعاسى وسى باعىتتا قويىلعان ماقساتتارعا جەتۋ ٷشٸن ٷكٸمەت بارلىق قاجەتتٸ شارالاردى قولداناتىنا سەنٸم بٸلدٸرٸپ, پارلامەنت تاراپىنان باقىلاۋدى قامتاماسىز ەتۋدٸ جالعاستىراتىنىن جەتكٸزدٸ.
كەڭەيتٸلگەن جيىن بارىسىندا «Nur Otan» فراكتسيياسىنىڭ دەپۋتاتتارى قازاقستاندىقتار ٷشٸن ٶزەكتٸ مەسەلەلەرگە نازار اۋداردى. بٸرٸنشٸ كەزەكتە, ول ەلٸمٸز بويىنشا ەسٸرەسە, اۋىلدىق جەرلەردە جالعا بەرٸلەتٸن تۇرعىن ٷيلەرمەن قامتاماسىز ەتۋ. سونداي-اق دەپۋتاتتار قارجىلاندىرۋ مەن قۇرىلىس كٶلەمٸن, ونىڭ ٸشٸندە جەرگٸلٸكتٸ بيۋدجەت قاراجاتى ەسەبٸنەن ۇلعايتۋ قاجەت دەپ سانايدى. جيىندا سسى ماقساتتارعا بٶلٸنەتٸن بيۋدجەت قاراجاتىن تيٸمدٸ پايدالانۋعا جەنە سالىنىپ جاتقان ٷيلەردٸڭ ساپاسىنا باقىلاۋدى قاتاڭداتۋ سيياقتى باسقا دا مەسەلەلەر قامتىلدى.
مەجٸلٸس دەپۋتاتتارىنىڭ پٸكٸرٸنشە, حالىقتى ەڭبەكپەن قامتۋدىڭ بەلسەندٸ شارالارىنا تارتۋدى ودان ەرٸ جالعاستىرىپ, وسى باعىتتا قابىلدانعان مەملەكەتتٸك باعدارلامالاردى ٷيلەستٸرۋدٸ كٷشەيتٸپ, ول تۋرالى حالىقتى تۇراقتى اقپاراتتاندىرىپ تۇرۋ قاجەت.
