Prezident Qasym-Jomart Toqaev dástúrli óner ókilderine arnalǵan «Asyl mura» ulttyq syilyǵyn taǵaiyndaý týraly sheshim qabyldady. Bul týraly Memleket basshysy Aqordada ótken mádeniet jáne óner qyzmetkerlerin marapattaý rásiminde málimdedi, dep habarlaidy ult.kz.
Prezidenttiń aitýynsha, qazaqtyń jyr, terme, kúi sekildi dástúrli ónerin damytýǵa airyqsha kóńil bólinýi kerek. Osy baǵytta ulttyq murany dáriptep júrgen ónerpazdardy qoldaý maqsatynda jańa memlekettik syilyq engizilmek.
— Dástúrli ónerdi, ásirese jyr, terme, kúi ónerin damytýǵa erekshe mán berýimiz qajet. Tól mádenietimizdiń osyndai baǵa jetpes qazynalaryn nasihattap júrgen óner ielerine qoldaý kórsetý mańyzdy. Osyǵan bailanysty «Asyl mura» ulttyq syilyǵyn taǵaiyndaý týraly sheshim qabyldadym, — dedi Prezident.
Memleket basshysynyń sózinshe, jańa marapat dástúrli óner ókilderiniń shyǵarmashylyǵyn keńinen nasihattap, ulttyq ónerdiń bedelin arttyrýǵa serpin beredi. Syilyq Prezident Jarlyǵymen, tiisti ministrliktiń usynysy negizinde mádeniet pen óner salasyna eńbegi sińgen tulǵalarǵa tabystalady.
Sondai-aq Qasym-Jomart Toqaev mádeniet pen óner salasy memleket nazarynan tys qalmaitynyn atap ótti.
