Búgin Shymkentke QR Eńbek jáne halyqty áleýmettik qorǵaý ministri Berdibek Saparbaev pen QR Densaýlyq saqtaý vitse-ministri Kamaljan Nadyrov keldi, dep habarlaidy "Ult aqparat".
Úkimet músheleri Shymkent qalalyq klinikalyq aýrýhanasyndaǵy apattan zardap shekkenderdiń jaǵdailarymen tanysty.
«Snariadtan jaraqat alyp, aýrýhanaǵa túsken 57 jastaǵy azamatshaǵa dárigerler shuǵyl túrde ota jasap, ómirin aman alyp qalǵan. Ol aýrýhanaǵa jetkizilgen kezde naýqas kóp qan joǵaltqan. Operatsiia óte kúrdeli bolyp, eki saǵatqa sozylǵan. Zardap shekken ekinshi naýqas 16 jasar azamat. Jas jigit qazir jansaqtaý bóliminde jatyr. Jaǵdaiy turaqty aýyr», - deidi dárigerler.
Sondai-aq, Úkimet músheleri qalalyq balalar aýrýhanasynda jatqan segiz jastaǵy balanyń jaǵdaiyn bildi. Oqys jaǵdai kezinde balanyń basyna zaqym kelipti. Qan ketýdi joiý maqsatynda dárigerler balaǵa shuǵyl túrde ota jasaǵan.
Operatsiiadan soń Almatydan arnaiy kelgen reanimatolog pen neirohirýrg balany qarap shyqty. Onyń da jaǵdaiy turaqty aýyr kúiinde qalýda.
