بٷگٸن شىمكەنتكە قر ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ پەن قر دەنساۋلىق ساقتاۋ ۆيتسە-مينيسترٸ كامالجان نادىروۆ كەلدٸ, دەپ حابارلايدى "ۇلت اقپارات".
ٷكٸمەت مٷشەلەرٸ شىمكەنت قالالىق كلينيكالىق اۋرۋحاناسىنداعى اپاتتان زارداپ شەككەندەردٸڭ جاعدايلارىمەن تانىستى.
«سناريادتان جاراقات الىپ, اۋرۋحاناعا تٷسكەن 57 جاستاعى ازاماتشاعا دەرٸگەرلەر شۇعىل تٷردە وتا جاساپ, ٶمٸرٸن امان الىپ قالعان. ول اۋرۋحاناعا جەتكٸزٸلگەن كەزدە ناۋقاس كٶپ قان جوعالتقان. وپەراتسييا ٶتە كٷردەلٸ بولىپ, ەكٸ ساعاتقا سوزىلعان. زارداپ شەككەن ەكٸنشٸ ناۋقاس 16 جاسار ازامات. جاس جٸگٸت قازٸر جانساقتاۋ بٶلٸمٸندە جاتىر. جاعدايى تۇراقتى اۋىر», - دەيدٸ دەرٸگەرلەر.
سونداي-اق, ٷكٸمەت مٷشەلەرٸ قالالىق بالالار اۋرۋحاناسىندا جاتقان سەگٸز جاستاعى بالانىڭ جاعدايىن بٸلدٸ. وقىس جاعداي كەزٸندە بالانىڭ باسىنا زاقىم كەلٸپتٸ. قان كەتۋدٸ جويۋ ماقساتىندا دەرٸگەرلەر بالاعا شۇعىل تٷردە وتا جاساعان.
وپەراتسييادان سوڭ الماتىدان ارنايى كەلگەن رەانيماتولوگ پەن نەيروحيرۋرگ بالانى قاراپ شىقتى. ونىڭ دا جاعدايى تۇراقتى اۋىر كٷيٸندە قالۋدا.
