Premer-Ministrdiń orynbasary Eraly Toǵjanov shekti baǵasy qoiylǵan dári-dármekterdiń tizbesi ózgeretinin aitty, dep habarlaidy QazAqparat.
«Koronavirýsqa qarsy dári-dármektiń tapshylyǵyn boldyrmaý úshin uqsas preparattar naryǵynyń koniýktýrasy jáne dárilik zattar men olardy óndirýshilerdiń Qazaqstan naryǵyndaǵy ártúrliligi qaraldy. Ashyq derekkóz derekteri boiynsha depýtattyq saýalda attary atalǵan kardiomagnil, aspirin, ibýfen, geparin, sýmamed, ksarelto, kleksan siiaqty dárilik zattar Nur-Sultan, Almaty qalalarynyń dárihanalarynda bar», - dep jazdy Eraly Toǵjanov depýtattyq saýalǵa bergen jaýabynda.
Vitse-premerdiń aitýynsha, farmatsevtikalyq biznes ókilderi de shekti baǵalardy retteý boiynsha Úkimetke másele kótergen eken.
«Osyǵan bailanysty atalǵan máseleler Úkimette farmatsevtikalyq biznes ókilderiniń qatysýymen birneshe ret talqylandy. Qazirgi ýaqytta biznes ókilderiniń qatysýymen qaita taldaý qorytyndylary boiynsha koronavirýsqa qarsy 268 preparatqa shekti baǵa pysyqtalýda. Tizbeden 102 preparat alynyp tastaldy, onyń ishinde 43-i – gelder, jaqpa mailar, tamyzatyn dáriler, 59 dáriniń basqa túrleri engizildi. Sondai-aq, farmatsevtikalyq biznes sýbektileriniń bólshek saýda jelisine virýsqa qarsy preparattardy ýaqtyly jetkizýin qamtamasyz etý máseleleri boiynsha jumys júrgizildi», - dedi Úkimet basshysynyń orynbasary.
