پرەمەر-مينيستردٸڭ ورىنباسارى ەرالى توعجانوۆ شەكتٸ باعاسى قويىلعان دەرٸ-دەرمەكتەردٸڭ تٸزبەسٸ ٶزگەرەتٸنٸن ايتتى, دەپ حابارلايدى قازاقپارات.
«كوروناۆيرۋسقا قارسى دەرٸ-دەرمەكتٸڭ تاپشىلىعىن بولدىرماۋ ٷشٸن ۇقساس پرەپاراتتار نارىعىنىڭ كونيۋكتۋراسى جەنە دەرٸلٸك زاتتار مەن ولاردى ٶندٸرۋشٸلەردٸڭ قازاقستان نارىعىنداعى ەرتٷرلٸلٸگٸ قارالدى. اشىق دەرەككٶز دەرەكتەرٸ بويىنشا دەپۋتاتتىق ساۋالدا اتتارى اتالعان كارديوماگنيل, اسپيرين, يبۋفەن, گەپارين, سۋمامەد, كسارەلتو, كلەكسان سيياقتى دەرٸلٸك زاتتار نۇر-سۇلتان, الماتى قالالارىنىڭ دەرٸحانالارىندا بار», - دەپ جازدى ەرالى توعجانوۆ دەپۋتاتتىق ساۋالعا بەرگەن جاۋابىندا.
ۆيتسە-پرەمەردٸڭ ايتۋىنشا, فارماتسەۆتيكالىق بيزنەس ٶكٸلدەرٸ دە شەكتٸ باعالاردى رەتتەۋ بويىنشا ٷكٸمەتكە مەسەلە كٶتەرگەن ەكەن.
«وسىعان بايلانىستى اتالعان مەسەلەلەر ٷكٸمەتتە فارماتسەۆتيكالىق بيزنەس ٶكٸلدەرٸنٸڭ قاتىسۋىمەن بٸرنەشە رەت تالقىلاندى. قازٸرگٸ ۋاقىتتا بيزنەس ٶكٸلدەرٸنٸڭ قاتىسۋىمەن قايتا تالداۋ قورىتىندىلارى بويىنشا كوروناۆيرۋسقا قارسى 268 پرەپاراتقا شەكتٸ باعا پىسىقتالۋدا. تٸزبەدەن 102 پرەپارات الىنىپ تاستالدى, ونىڭ ٸشٸندە 43-ٸ – گەلدەر, جاقپا مايلار, تامىزاتىن دەرٸلەر, 59 دەرٸنٸڭ باسقا تٷرلەرٸ ەنگٸزٸلدٸ. سونداي-اق, فارماتسەۆتيكالىق بيزنەس سۋبەكتٸلەرٸنٸڭ بٶلشەك ساۋدا جەلٸسٸنە ۆيرۋسقا قارسى پرەپاراتتاردى ۋاقتىلى جەتكٸزۋٸن قامتاماسىز ەتۋ مەسەلەلەرٸ بويىنشا جۇمىس جٷرگٸزٸلدٸ», - دەدٸ ٷكٸمەت باسشىسىنىڭ ورىنباسارى.
