Qazaqstan Respýblikasy Úkimetiniń qaýlysymen Shyǵys Qazaqstan oblysyndaǵy áýejai, kolledj jáne mektepterge uly adamdardyń aty berilip, birqatarynyń ataýy ózgerdi, dep habarlaidy "Ult aqparat" primeminister.kz-ke silteme jasap.
«Shyǵys Qazaqstan oblysynyń keibir obektilerine ataý berý jáne qaita ataý týraly» Qazaqstan Respýblikasy Úkimetiniń 2020 jylǵy 23 sáýirdegi №241 qaýlysymen birqatar nysanǵa ataý berildi.
Óskemen qalasyndaǵy Aǵylshyn tilin tereńdetip oqytatyn №38 gimnaziiasyna Lev Gýmilevtiń esimi, № 39 orta mektepke Ybyrai Altynsarinniń esimi, Shyǵys Qazaqstan gýmanitarlyq kolledjine Abaidyń esimi berildi.
Semei halyqaralyq áýejaiyna Abaidyń esimi, Semeide qalasyndaǵy № 47 mektepke Ahmet Baitursynulynyń, №37 gimnaziiaǵa Ybyrai Altynsarinniń, №39 orta mektepke Álihan Bókeihannyń, № 34 mektepke Baýyrjan Momyshulynyń, № 2 mektepke Qanysh Sátbaevtyń esimi berildi.
Shemonaiha aýdanynda № 5 mektepke Ahmet Baitursynulynyń, № 4 mektepke Shákárimniń esimimen ataldy.
Sonymen qatar, Semeidegi Prigorod mektebi Júsipbek Aimaýytov atyndaǵy jalpy orta bilim beretin mektep bolyp, Besqaraǵai aýdanyndaǵy Berezovka orta mektebi Boztal orta mektebi, Úlken Vladimirovka orta mektebi Qairat Rysqulbekov atyndaǵy orta mektep bolyp ózgertildi.
Shemonaiha aýdanyndaǵy «Qyzyl Shemonaiha mektebi» Ybyrai Altynsarin atyndaǵy mektep, «Mihailovka orta mektebi» Shoqan Ýálihanov atyndaǵy mektep bolyp ózgerdi.
Sondai-aq, «Praporshikovo mektebi» Dinmuhamed Qonaev atyndaǵy mektep, «Perevalovka mektebi» Málik Ǵabdýllin atyndaǵy mektep, «Bobrovka mektebi» Ahmet Baitursynuly atyndaǵy mektep, «Ýshanov orta mektebi» Baýyrjan Momyshuly atyndaǵy, № 2 Aqsýat orta mektebi Qojageldi batyr atyndaǵy mektep bolyp qaita ataldy.
Aita keterligi, QR Premer-Ministri Asqar Mamin qol qoiǵan qaýly resmi jariialanǵan kúninen bastap qoldanysqa engizildi.
