قازاقستان رەسپۋبليكاسى ٷكٸمەتٸنٸڭ قاۋلىسىمەن شىعىس قازاقستان وبلىسىنداعى ەۋەجاي, كوللەدج جەنە مەكتەپتەرگە ۇلى ادامداردىڭ اتى بەرٸلٸپ, بٸرقاتارىنىڭ اتاۋى ٶزگەردٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
«شىعىس قازاقستان وبلىسىنىڭ كەيبٸر وبەكتٸلەرٸنە اتاۋ بەرۋ جەنە قايتا اتاۋ تۋرالى» قازاقستان رەسپۋبليكاسى ٷكٸمەتٸنٸڭ 2020 جىلعى 23 سەۋٸردەگٸ №241 قاۋلىسىمەن بٸرقاتار نىسانعا اتاۋ بەرٸلدٸ.
ٶسكەمەن قالاسىنداعى اعىلشىن تٸلٸن تەرەڭدەتٸپ وقىتاتىن №38 گيمنازيياسىنا لەۆ گۋميلەۆتٸڭ ەسٸمٸ, № 39 ورتا مەكتەپكە ىبىراي التىنساريننٸڭ ەسٸمٸ, شىعىس قازاقستان گۋمانيتارلىق كوللەدجٸنە ابايدىڭ ەسٸمٸ بەرٸلدٸ.
سەمەي حالىقارالىق ەۋەجايىنا ابايدىڭ ەسٸمٸ, سەمەيدە قالاسىنداعى № 47 مەكتەپكە احمەت بايتۇرسىنۇلىنىڭ, №37 گيمنازيياعا ىبىراي التىنساريننٸڭ, №39 ورتا مەكتەپكە ەليحان بٶكەيحاننىڭ, № 34 مەكتەپكە باۋىرجان مومىشۇلىنىڭ, № 2 مەكتەپكە قانىش سەتباەۆتىڭ ەسٸمٸ بەرٸلدٸ.
شەمونايحا اۋدانىندا № 5 مەكتەپكە احمەت بايتۇرسىنۇلىنىڭ, № 4 مەكتەپكە شەكەرٸمنٸڭ ەسٸمٸمەن اتالدى.
سونىمەن قاتار, سەمەيدەگٸ پريگورود مەكتەبٸ جٷسٸپبەك ايماۋىتوۆ اتىنداعى جالپى ورتا بٸلٸم بەرەتٸن مەكتەپ بولىپ, بەسقاراعاي اۋدانىنداعى بەرەزوۆكا ورتا مەكتەبٸ بوزتال ورتا مەكتەبٸ, ٷلكەن ۆلاديميروۆكا ورتا مەكتەبٸ قايرات رىسقۇلبەكوۆ اتىنداعى ورتا مەكتەپ بولىپ ٶزگەرتٸلدٸ.
شەمونايحا اۋدانىنداعى «قىزىل شەمونايحا مەكتەبٸ» ىبىراي التىنسارين اتىنداعى مەكتەپ, «ميحايلوۆكا ورتا مەكتەبٸ» شوقان ۋەليحانوۆ اتىنداعى مەكتەپ بولىپ ٶزگەردٸ.
سونداي-اق, «پراپورششيكوۆو مەكتەبٸ» دٸنمۇحامەد قوناەۆ اتىنداعى مەكتەپ, «پەرەۆالوۆكا مەكتەبٸ» مەلٸك عابدۋللين اتىنداعى مەكتەپ, «بوبروۆكا مەكتەبٸ» احمەت بايتۇرسىنۇلى اتىنداعى مەكتەپ, «ۋشانوۆ ورتا مەكتەبٸ» باۋىرجان مومىشۇلى اتىنداعى, № 2 اقسۋات ورتا مەكتەبٸ قوجاگەلدٸ باتىر اتىنداعى مەكتەپ بولىپ قايتا اتالدى.
ايتا كەتەرلٸگٸ, قر پرەمەر-مينيسترٸ اسقار مامين قول قويعان قاۋلى رەسمي جارييالانعان كٷنٸنەن باستاپ قولدانىسقا ەنگٸزٸلدٸ.
