QR Premer-Ministri Asqar Maminniń tóraǵalyǵymen ótken Úkimet otyrysynda «qarapaiym zattar ekonomikasy» salalaryn, jergilikti qamtýdy jáne importty almastyrýdy damytý máselesi qaraldy, dep habarlaidy "Ult aqparat".
«Atameken» UKP tóraǵasy A. Myrzahmetov baiandama jasady, ol osy jyldyń 20 jeltoqsanyndaǵy jaǵdai boiynsha «qarapaiym zattar ekonomikasy» salalaryn jeńildikpen nesielendirý baǵdarlamasy aiasynda 206 mlrd teńgege 830 joba maquldanǵanyn málimdedi, onyń ishinde óńdeý ónerkásibi men qyzmet kórsetý salasynda 172 joba, AÓK qaita óńdeý boiynsha – 79 joba, AÓK-tegi óndiris boiynsha – 579 joba. Onyń ishinde 707 joba keńeitýge jáne jańǵyrtýǵa, 123 joba jańa kásiporyndarǵa nesie aldy. Ekinshi deńgeili bankterde 212 mlrd teńge somasyna jobalar qaralyp jatyr.
Jeńildikpen nesielendirý baǵdarlamasyn jetildirý maqsatynda Úkimettiń jobalyq keńsesi investitsiialyq maqsattarǵa nesie merzimin 7 jyldan 10 jylǵa deiin uzartýdy usyndy, bul uzaq ótelimdilik merzimi bar iri jobalardy qoldap, olarǵa tabystylyq deńgeiine shyǵýǵa múmkindik beredi.
Sonymen birge, nesielendirýge arnalǵan taýarlardyń tizimin keńeitý, nesieniń maqsatyna bailanysty (jumys ornyn, óndiris kólemin, salyqtyq túsimderdi, kiristerdiń ósýin ulǵaitý) bizneske yńǵailaspa mindettemelerdi belgileý, tamaq ónerkásibi salasynda ainalymdaǵy qarajatty 100%-ǵa deiin tolyqtyrýǵa nesie berý, týrizm salasyndaǵy jobalardy qarjylandyrý úshin QDB baǵdarlamasyna qatysý máseleleri qarastyrylýda.
Jalpy, osy jyldyń 1 shildesinen 1 jeltoqsanyna deiin CT-KZ sertifikaty bar jetkizýshilerde óńirlerdiń memlekettik satyp alýlaryndaǵy jergilikti qamtýdyń úlesi 2%-dan 39%-ǵa deiin ósti, onyń ishinde jeńil ónerkásip — 1%-dan 40%-ǵa, jihaz ónerkásibi — 5%-dan 39%-ǵa deiin, qurylys indýstriiasy — 1%-dan 36%-ǵa, azyq-túlik ónerkásibi — 1%-dan 41%-ǵa deiin artty.
«Qarapaiym zattar ekonomikasyn» jeńildikpen nesielendirý baǵdarlamasy Tuńǵysh Prezident – Elbasy Nursultan Ábishuly Nazarbaevtyń bastamasymen qurylǵan jáne Memleket basshysy Qasym-Jomart Kemeluly Toqaevtyń erekshe baqylaýyna alynǵan. Ishki naryqty otandyq taýarlarmen barynsha molyqtyrý úshin jergilikti óndirýshilerdiń turaqty damýyn qamtamasyz etip, jumysty ári qarai jalǵastyrý qajet», — dedi A. Mamin.
Premer-Ministr «qarapaiym zattar ekonomikasyn» jeńildikpen nesielendirý baǵdarlamasy aiasynda áleýetti kásipkerlerdi izdestirý jáne olardyń jobalary tolyq iske asyrylǵansha olardy súiemeldeý boiynsha óńirlerdiń belsendi jumysynyń qajettiligin atap ótti.
A. Mamin maquldanǵan jobalar boiynsha eń jaqsy kórsetkishterge ie óńirlerdi atap ótti, olar — Batys Qazaqstan, Túrkistan jáne Shyǵys Qazaqstan oblystary. Nur-Sultan jáne Almaty qalalary, Atyraý jáne Qostanai oblystary artta qalýshy óńirler retinde ataldy.
Úkimet basshysy ásirese retteletin satyp alýlarda jergilikti qamtý úlesin damytý boiynsha jumysty jalǵastyrý qajet ekenin atap ótti.
«Ortalyq jáne jergilikti atqarýshy organdar áreket etip turǵan zańnamany qatań saqtaýy tiis jáne otandyq óndirýshilerdi qoldaýdyń qolda bar quraldaryn belsendi paidalanýy qajet. Bul bizdiń barlyq kvazimemlekettik sektorymyzǵa jáne, eń aldymen, satyp alý úlesi edáýir "Samuryq-Qazyna" holdingine qatysty», — dedi A. Mamin.
Premer-Ministr memlekettik satyp alý boiynsha DSU kelisimine kirý protsesine jaýapkershilikpen qaraýdy, satyp alýlarǵa taldaý júrgizýdi jáne otandyq taýar óndirýshilerdiń múddelerin eskere otyryp, usynystar ázirleýdi tapsyrdy.
«Biz taiaý keleshekte kórsetkishterdiń eleýli ósýin jáne Baǵdarlamany iske asyrýdyń naqty nátijesin kórýge tiispiz», — dep A. Mamin, Jobalyq keńse aiasyndaǵy jumysty jalǵastyrýdy tapsyrdy.
