Foto: Gov.kz
100 myń sharshy shaqyrym jalpy alańda 1:50.000 masshtabty geologiialyq túsirilim júrgizýge 20 jobany júzege asyrý úshin, sondai-aq az zerttelgen shógindi basseinder aýmaǵynda seismikalyq barlaý jumystaryn júrgizýge, qazirgi zamanǵy geologiialyq infraqurylymdy qurýǵa Qazaqstan Úkimeti taiaýdaǵy úsh jylda 240 mlrd teńge nemese shamamen $500 mln baǵyttaý josparlanyp otyr, jalpy sońǵy 15 jylda $469 mln salyndy, dep habarlaidy Ult.kz.
Jobalarǵa Jerdi qashyqtyqtan zondtaý derekterin taldaý, aerogeofizikalyq jáne geohimiialyq zertteýler, dalalyq jumystar kesheni kiredi.
Ýchaskeler tizbesin qalyptastyrý kezinde qorlardyń sarqylý faktorlary, jer qoinaýyn paidalanýshylardyń bolmaýy ne eń az sany jáne paidaly qazbalardyń basym túrleri boiynsha perspektivalylyǵy eskerildi. Nátijesinde mys, altyn, qorǵasyn, myrysh, sirek jer elementteri, barit, boksit ken oryndaryn anyqtaý boiynsha áleýeti joǵary alańdar anyqtaldy.
Budan bólek, az zerttelgen munai-gaz perspektivaly – Soltústik Torǵai, Shý-Sarysý jáne Syrdariia basseinderinde seismikalyq barlaý jumystaryn júrgizý josparlanýda. Sondai-aq zerthanalyq-taldamalyq bazany jańǵyrtý jáne geologiialyq derekterdi tsifrlandyrý kózdelýde.
Osy masshtabta jer qoinaýyn geologiialyq zertteýge kóshý Eýropalyq Odaq, Kanada, Avstraliia, Qytai elderiniń halyqaralyq tájiribesine sáikes keletin geologiialyq boljamdardyń dáldigin edáýir arttyrýǵa múmkindik beredi. Aimaqtyq kartaǵa egjei-tegjeili túsirý perspektivaly aýmaqtardy anyqtaý, geologiialyq jáne investitsiialyq táýekelderdi azaitý jáne keiinnen geologiialyq barlaý men paidaly qazbalardy óndirýge jeke investitsiialardy tartý úshin bazalyq negiz bolady.
