Prezidenttiń Úkimet aldyna qoiǵan barlyq tapsyrmasy oryndalatyndy. Bul týraly búgin QR Premer-Ministri Álihan Smaiylov Memleket basshysynyń otandyq biznes ókilderimen kezdesýinde aitty, dep habarlaidy QazAqparat.
«Jaqynda oryn alǵan oqiǵalar aiasynda Memleket basshysynyń tapsyrmasy boiynsha Úkimet eldegi áleýmettik-ekonomikalyq jaǵdaidy turaqtandyrý úshin jedel sharalardy iske asyrýda. Bizdiń mindetimiz – zardap shekken biznes sýbektileriniń jumysyn tez arada qalpyna keltirý. Osyǵan bailanysty, biz osy jumysqa iri biznesti qatysýǵa shaqyramyz», - dedi Álihan Smaiylov.
Úkimet basshysy qazirgi kezde aǵymdaǵy josparlar qaita qaralyp jatqanyn atap ótti.
«Sondai-aq Prezident tapsyrmalaryn eskere otyryp, ózekti áleýmettik-ekonomikalyq máselelerdi sheshýge baǵyttalǵan qajetti sharalardy qamtityn 2022 jylǵa arnalǵan Úkimettiń is-qimyl baǵdarlamasy ázirlenýde», - dedi ol.
Álihan Smaiylov Prezidenttiń Úkimet aldyna qoiǵan barlyq tapsyrmasy oryndalatyndyǵyn da basa aitty.
«Biz elimizdiń áleýmettik-ekonomikalyq damýy úshin biznespen birlesip belsendi jumys jasaimyz», - dedi Premer-Ministr.
