QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda eldegi biznes ahýaldy jaqsartý sharalary qaraldy.
Atqarylyp jatqan jumystar týraly ulttyq ekonomika ministri Rýslan Dálenov, QR Qarjy naryǵyn retteý jáne damytý agenttiginiń tóraǵasy Mádina Ábilqasymova jáne «Atameken» UKP basqarma tóraǵasy Abylai Myrzahmetov baiandady, dep habarlaidy primeminister.kz saity.
Biznesti júrgizý jaǵdailaryn jaqsartý úshin Úkimet zańnamalyq bazany, retteýshi ortany únemi jetildirip otyrady, kedendik ákimshilendirý jaqsartylýda. Qabyldanǵan sharalardyń nátijesinde Qazaqstan 2019 jyly «Doing Business» biznesti júrgizý jeńildigi jónindegi Dúniejúzilik bank reitingisiniń TOP-25 eliniń qataryna endi, JIÓ-degi shaǵyn jáne orta biznestiń úlesi 30,8%-ǵa deiin ósti. Atalǵan kórsetkishti 2025 jylǵa qarai 35%-ǵa, 2050 jylǵa qarai 50%-ǵa deiin jetkizý mindeti qoiyldy.
Biylǵy 18 maýsymda Parlament Senaty biznes ahýaldy jaqsartý máseleleri boiynsha zańnamalyq bastamalardyń 8-toptamasyn qabyldady. 6 kodeks pen 33 zańǵa jyljymaityn múlikke salynǵan aýyrtpalyq týraly aqparatqa qoljetimdilik, elektr jelilerine qosylý aiasynda «bir tereze» qaǵidatyn engizýdi, tabiǵi monopoliialar sýbektilerinen aqparat alý boiynsha barlyq kredittik biýrolar úshin teń jaǵdailar jasaýdy, sáýlet-josparlaý tapsyrmasy, topografiiasy jáne tehnikalyq sharttary bar jer telimderin berý boiynsha rásimderdi jeńildetýdi, sondai-aq monopoliiaǵa qarsy retteýdiń tiimdiligin arttyrýdy kózdeitin 200-ge jýyq túzetý engizildi.
Úkimet basshysy barlyq óńirdiń kásipkerlerimen máseleni talqylaý, sonymen qatar Ekonomikalyq ósimdi qalpyna keltirý jónindegi memlekettik komissiianyń otyrysynda máseleni qaraý qorytyndylary boiynsha biznesti qoldaý jónindegi 43 qosymsha sharadan turatyn Is-sharalar jospary ázirlengenin atap ótti.
Is-sharalar jospary biznes usynǵan kelesi negizgi baǵyttardy qamtidy, atap aitqanda, satyp alýdy jeńildetý jáne qazaqstandyq úlesti damytý, aýyl sharýashylyǵy tehnikasynyń lizingin qarjylandyrý jáne kreditterdi qaita qarjylandyrý múmkindigin keńeitý, taýarlardyń eksportyn damytý jáne rásimderdi jeńildetý.
«Búgin aitylǵan barlyq sharalardy júzege asyrý kásipkerliktiń odan ári damýyna serpin beredi, Qazaqstannyń biznes ahýaly men “Doing Business” reitingindegi pozitsiiasyn jaqsartýǵa yqpal etedi», — dep A. Mamin, memlekettik organdar men ákimdikterge barlyq josparlanǵan is-sharalardyń oryndalýyn qamtamasyz etýdi tapsyrdy.
