Premer-Ministr Baqytjan Saǵyntaevtyń tóraǵalyǵymen ótken QR Úkimeti otyrysynda jylý berý maýsymynyń ótý barysy týraly energetika ministri Qanat Bozymbaev pen investitsiialar jáne damý ministri Jeńis Qasymbek baiandady, dep habarlaidy "Ult aqparat".
Energetika ministriniń aitýynsha, qazaqstandyq tutynýshylar elektr jáne jylý qýatymen tolyq kólemde qamtamasyz etilgen. Ortalyq jáne jergilikti atqarýshy organdar 05.09.2017 kúni ótken Úkimet otyrysy barysynda anyqtalǵan kemshilikterdi joiý boiynsha tiisti jumystardy júrgizdi.
«Elektr stansalarynda biylǵy jylǵa josparlanǵan jóndeý jumystary aiaqtaldy. 8 energetikalyq blok, 57 qazandyq, 35 týrbina, sondai-aq 24 myń shaqyrym elektr jelisi jóndeldi», — dedi Qanat Bozymbaev.
Jalpy alǵanda, otandyq elektr stansalarynyń otyn qoimalarynda 4,3 mln tonnadan astam kómir jáne 111 myń tonna mazýt jinalǵan, bul bekitilgen normalarǵa sáikes keledi. Ortalyq jylýmen qamtý aýmaqtarynyń qazandyqtarynda kómir qory 792,4 myń tonnany (normativ – 442,7 myń tonna), mazýt – 108 myń tonnany (normativ – 83,6 myń tonna) quraidy.
«2017-2018 jj. kúzgi-qysqy kezeń bastalǵannan beri Biryńǵai elektr energetikalyq júie eleýli tehnologiialyq buzýshylyqtarsyz jumys istep tur», — dedi Qanat Bozymbaev.
Óz kezeginde investitsiialar jáne damý ministri Jeńis Qasymbek kómir tasymaldaý jaǵdaiy týraly málimdedi. Búgingi tańda Qazaqstanda kómir tasymaldaýǵa arnalǵan ashyq vagon parki 50 myńnan astam birlikti quraidy. Jylytý maýsymyna daiyndyq bastalǵannan beri 43,5 mln tonnadan astam kómir tasymaldandy, bul jospardyń 98 paiyzyn quraidy.
«Tasymaldaýdy tolyq qamtamasyz etý úshin júk jóneltýshiler, júk alýshylar men tasymaldaýshy arasynda ishki respýblikalyq tasymalda júk jóneltý boiynsha tikelei uzaq merzimdi kelisimsharttar jasaldy. Jazǵy ýaqytta kómir tasymaldaý kóleminiń teń bólinýi qamtamasyz etildi», — dedi Jeńis Qasymbek.
Jylytý maýsymy óńirlerde de shtattyq rejimde júrip jatyr. Qazirgi jaǵdai týraly oblys ákimderi men Almaty, Astana qalalarynyń ákimderi baiandady.
Premer-Ministr Baqytjan Saǵyntaev máseleni qaraý qorytyndysy boiynsha tiisti ministrlikter men jergilikti atqarýshy organdarǵa jylý berý maýsymynyń ótý barysyn turaqty baqylaýda ustaýdy tapsyrdy.
.jpeg)