Premer-Ministr Asqar Mamin salalyq ministrlikterge Jumyspen qamtý jol kartasy arqyly iske asatyn sharalardyń tiimdiligin baǵalaý jónindegi ólshemsharttardy ázirleýdi tapsyrdy, dep habarlaidy "Ult aqparat".
«Agroónerkásiptik keshenniń investitsiialyq jobalaryn qarjylandyrýǵa «Báiterek» holdingi arqyly 100 mlrd teńge jiberý josparlanyp otyr.
Jalpy, Jumyspen qamtý jol kartasyn iske asyrýǵa aǵymdaǵy jyly 300 mlrd teńge bólindi. Sondai-aq, 35,6 myń jumys orny, onyń ishinde 20 myńnan astam turaqty jumys oryndaryn qurý josparlanǵan, - dedi ol Úkimet otyrysynda.
Sondai-aq, Asqar Mamin Eńbek jáne halyqty áleýmettik qorǵaý, Aýyl sharýashylyǵy ministrlikterine, óńir ákimderine, «Báiterek» holdingine Atameken palatasymen birlesip, Jumyspen qamtýdyń jol kartasynyń barlyq baǵyttaryn sapaly iske asyryp, ýaqtyly qarjylandyrýdy tapsyrdy.
«Aýyl sharýashylyǵy men eńbek ministrlikteri aýyl sharýashylyǵy jobalaryn qarjylandyrý boiynsha is-sharalardyń tiimdiligin baǵalaý jónindegi ólshemsharttardy ázirlesin. Turaqty jumys oryndaryn qurý máselesin erekshe baqylaýda ustaý kerek», - dedi Úkimet basshysy.
