QR Úkimet basshysy Baqytjan Saǵyntaev nysandardy salý kezinde qazaqstandyq qurylys materialdardyń úlesin 80 paiyzǵa jetkizýdi tapsyrdy, - dep habarlaidy Ult.kz tilshisi QazAqparat agenttigine silteme jasap.
«Qurylys kezinde otandyq materialdardy paidalaný mańyzdy másele. Búginde tek 58 paiyz deńgeiinde otandyq qurylys materialdary paidalanylýda. Bizge qazaqstandyq materialdardyń úlesin 80 paiyzǵa deiin jetkizsek, bul óz kezeginde elimizdegi kompaniialarǵa eleýli qoldaý bolady»,-dedi Premer-Ministr Úkimet otyrysynda.
Sonymen qatar B. Saǵyntaev jyldyń sońyna deiin turǵyn úi qurylysynda biylǵy jospar tiisti deńgeide oryndalýyn tapsyrdy.
«Elimizde 25 jyldyń bir millionǵa jýyq otbasy baspanaly boldy. 1,4 myń mektep iske qosyldy, 1,3 myń densaýlyq saqtaý nysandary paidalanýǵa berildi. Sol sebepten Táýilsizdigimizdiń 25 jyldyǵyna deiin qalǵan az ýaqyttyń ishinde jospardaǵy nysandardyń barlyǵyn belgilengen merzimde tapsyryp, turǵyndarǵa jumystardyń aiaqtalǵandyǵy týraly esebimizdi berýimiz qajet. Osy rette josparly jumystardy sońyna deiin jetkizýge bizde múmkindikter jetkilikti», - dedi Premer-Ministr Úkimet múshelerine qaratyp aitqan sózinde.
.jpeg)