Shymkentte qubyr tóseý kezinde eki jumysshy qudyq ishinde ýlanyp, qaza tapty. Qazir oqiǵaǵa qatysty sotqa deiingi tergep-tekserý bastaldy, dep habarlaidy ult.kz.
Aldyn ala málimet boiynsha, 20-22 jastaǵy eki jumysshy qudyqqa túsip, aýa quramyndaǵy ziiandy zattan ýlanǵan. Ekeýi de oqiǵa ornynda kóz jumǵan.
Shymkent qalasynyń politsiia departamenti qazir qaiǵyly oqiǵanyń barlyq mán-jaiy, sonyń ishinde eńbek qaýipsizdigi talaptarynyń saqtalýyna jaýapty tulǵalar anyqtalyp jatqanyn habarlady.
«Qazirgi tańda oqiǵanyń barlyq mán-jaiy, sondai-aq eńbek qaýipsizdigi talaptarynyń saqtalýyna jaýapty tulǵalar anyqtalyp jatyr», – dep málimdedi politsiia.
Tergeý barysyna qatysty ózge aqparat Qazaqstan Respýblikasy Qylmystyq-protsestik kodeksiniń 201-babyna sáikes jariia etilmeidi.
Aita keteiik, buǵan deiin Shymkentte 2026 jyldyń alǵashqy alty aiynda óndiriste 17 jazataiym oqiǵa tirkelip, úsh adam qaza taýyp, 14 adam aýyr jaraqat alǵany habarlanǵan.
Sondai-aq qalada 13 jastaǵy jasóspirimniń daiashy bolyp jumys istep júrip qaza tapqany týraly aqparat taraǵan.
