شىمكەنتتە قۇبىر تٶسەۋ كەزٸندە ەكٸ جۇمىسشى قۇدىق ٸشٸندە ۋلانىپ, قازا تاپتى. قازٸر وقيعاعا قاتىستى سوتقا دەيٸنگٸ تەرگەپ-تەكسەرۋ باستالدى, دەپ حابارلايدى ult.kz.
الدىن الا مەلٸمەت بويىنشا, 20-22 جاستاعى ەكٸ جۇمىسشى قۇدىققا تٷسٸپ, اۋا قۇرامىنداعى زيياندى زاتتان ۋلانعان. ەكەۋٸ دە وقيعا ورنىندا كٶز جۇمعان.
شىمكەنت قالاسىنىڭ پوليتسييا دەپارتامەنتٸ قازٸر قايعىلى وقيعانىڭ بارلىق مەن-جايى, سونىڭ ٸشٸندە ەڭبەك قاۋٸپسٸزدٸگٸ تالاپتارىنىڭ ساقتالۋىنا جاۋاپتى تۇلعالار انىقتالىپ جاتقانىن حابارلادى.
«قازٸرگٸ تاڭدا وقيعانىڭ بارلىق مەن-جايى, سونداي-اق ەڭبەك قاۋٸپسٸزدٸگٸ تالاپتارىنىڭ ساقتالۋىنا جاۋاپتى تۇلعالار انىقتالىپ جاتىر», – دەپ مەلٸمدەدٸ پوليتسييا.
تەرگەۋ بارىسىنا قاتىستى ٶزگە اقپارات قازاقستان رەسپۋبليكاسى قىلمىستىق-پروتسەستٸك كودەكسٸنٸڭ 201-بابىنا سەيكەس جارييا ەتٸلمەيدٸ.
ايتا كەتەيٸك, بۇعان دەيٸن شىمكەنتتە 2026 جىلدىڭ العاشقى التى ايىندا ٶندٸرٸستە 17 جازاتايىم وقيعا تٸركەلٸپ, ٷش ادام قازا تاۋىپ, 14 ادام اۋىر جاراقات العانى حابارلانعان.
سونداي-اق قالادا 13 جاستاعى جاسٶسپٸرٸمنٸڭ داياشى بولىپ جۇمىس ٸستەپ جٷرٸپ قازا تاپقانى تۋرالى اقپارات تاراعان.
