Baqytjan Saǵyntaev Qostanai oblysyna jumys sapary aiasynda «Jemchýjina Stomed Ýralskaia» jańa kópbeiindi meditsinalyq ortalyǵyna baryp, óńirdegi memlekettik-jekemenshik áriptestik (MJÁ) jobalaryn iske asyrý barysymen tanysty, dep habarlaidy "Ult aqparat".
QR Premer-Ministrine tsifrlyq rentgen júiesi, beine-endoskopiialyq jabdyqtar, ýltradybystyq diagnostika júiesi qoldanylatyn klinikanyń jabdyqtalý jumystary tanystyryldy.
Medortalyq MJÁ tetikterin qoldanýmen júzege asyrylǵan joba bolyp tabylady, jáne densaýlyq saqtaýdy damytýdyń 2016-2019 jyldarǵa arnalǵan «Densaýlyq» memlekettik baǵdarlamasynyń «jekemenshik meditsinany damytý negizinde alǵashqy meditsinalyq-sanitarlyq kómek jelisin keńeitý» basymdyqty baǵytyna engizilgen.
Saǵyntaevqa memleket tarapynan MJÁ tetikterin iske asyrý aiasynda kommýnikatsiialardy retteýge kómek kórsetilip jatqandyǵy baiandaldy. Atap aitqanda, medortalyqqa aparar jol jóndeldi, avtobýs pavilony ornatyldy, turǵyndarǵa yńǵaily bolý úshin qala avtobýstarynyń qozǵalys baǵdarlary qaita qaraldy.
2016-2017 jyldary Qostanai oblysynda densaýlyq saqtaý salasynda eki MJÁ jobasy iske asyryldy, oǵan qosa aǵymdaǵy jyldyń sońyna deiin Rýdnyi qalasynda jáne Zatobol aýylynda emhanalar salý boiynsha eki jobany iske asyrý josparlanǵan.
QR Úkimeti biyl memlekettik-jekemenshik áriptestigin damytý úshin bekitý men jobalardyń saraptama merzimderin qysqartý jumystaryn júrgizdi, túrli salalarǵa arnalǵan MJÁ jobalary boiynsha tiptik qujattama ázirlendi, sondai-aq investorlarǵa arnalǵan jobalardyń biryńǵai bazasy ázirlenýde.
.jpeg)