- Úkimettiń búgingi otyrysynda Premer-Ministr Baqytjan Saǵyntaev el azamattaryn turǵylyqty jeri boiynsha tirkeý jáne ýaqytsha tirkeýge qatysty túsindirý jumystaryn der kezinde júrgizý kerektigin jetkizdi, dep xabarlaidy "Ult aqparat".
Osy oraida Úkimet basshysy B.Saǵyntaev Ishki ister ministrinen osy máselege qatysty zańdy qai ýaqytta qabyldanǵanyn surady. «Jeltoqsannyń 28-i», - dedi ministr Qalmuxambet Qasymov.
«Joq, jeltoqsannyń 22-si kúni biz tiisti zańǵa qol qoidyq. Al alǵashqy túsindirý materialdaryn biz qai kezde berdik? Halyqqa qyzmet kórsetý ortalyqtaryndaǵy birinshi dúrbeleńnen keiin berdik. Sizder atalǵan normanyń xalyqqa tikelei qatysy bar ekenin bildińizder ǵoi. Túsindirý jumystaryn jeltoqsannyń 22-sinde bastai almadyńyzdar ma? Ashyǵyn aitý kerek, xalyq ne isterin bilmedi. Sodan qyzmet kórsetý ortalyqtaryna lap berdi», - dedi B.Saǵyntaev.
Premer-Ministr onlain rejimde ýaqytsha tirkelý qyzmetin tezdetip iske qosýdy tapsyrdy. «Halyqty ol qyzmetti kimniń ázirleitini qyzyqtyrmaidy. Ulttyq tehnologiialyq ortalyq pa, Ishki ister ministrligi me, onda jumysy joq. El azamattary bylai deidi, sizder zańdy qabyldadyńyzdar, biz sol zańǵa baǵynatyn azamattar retinde tirkeýge turýǵa keldik. Boldy. Ýaqytsha tirkeýdi engizgeni durys. Oǵan daý joq. Degenmen, osy jumysty uiymdastyrý sharalarymyz xalyqtyń kóńilinen shyqpady. Biz qaitadan shalys bastyq. Halyqqa tikelei qatysy bar zańdy qabyldaimyz da, onyń negizgi normalaryn durys jetkize almaimyz. Aldaǵy ýaqytta osyny eskerý kerek», - dep atap kórsetti B.Saǵyntaev.
