Qashyqtan jumys isteý tájiribesi tapsyrmany oryndaý sapasyn tómendetpegenin kórsetti. Bul týraly respýblikalyq telearnalardan kórsetilgen «Samuryq-Qazyna» ulttyq ál-aýqat qoryn basqarý jónindegi keńestiń otyrysynda QR Premer-Ministri Asqar Mamin málim etti, dep habarlaidy QazAqparat.
«Koronavirýs qaterine bailanysty «Samuryq-Qazyna» qory qyzmetkeleriniń qashyqtan jumys isteýi tájiribesin qoldaimyz. Aldyńǵy qatarly birqatar analitikalyq agenttikterdiń boljamyna sáikes, atalǵan trend osy pandemiianyń uzaq merzimdi saldarynyń biri bolmaq», - dep toqtaldy Úkimet basshysy.
Sonymen qatar A. Mamin memlekettik organdar qyzmetshileriniń qashyqtan jumys isteýi tájiribesi týraly aitty.
«Bul tájiribe Úkimette de, óńirlerde de iske asyrylýda. Búginde 23 memlekettik organ «bultty» qujat ainalymǵa qosylǵan. Qyzmetkerlerge qashyqtan jumys isteýge múmkindik jasaldy. Memorgandardyń 70 paiyzǵa jýyq qyzmetshisi qashyqtan jumys isteý rejimine kóshti. Qashyqtan jumys tájiribesi tapsyrmany oryndaý sapasyn tómendetpegenin kórsetti. Qaýlylardy qabyldaý merzimi eki esege azaidy, 22-den 13 jumys kúnine deiin», - dedi Asqar Mamin.
