قاشىقتان جۇمىس ٸستەۋ تەجٸريبەسٸ تاپسىرمانى ورىنداۋ ساپاسىن تٶمەندەتپەگەنٸن كٶرسەتتٸ. بۇل تۋرالى رەسپۋبليكالىق تەلەارنالاردان كٶرسەتٸلگەن «سامۇرىق-قازىنا» ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ وتىرىسىندا قر پرەمەر-مينيسترٸ اسقار مامين مەلٸم ەتتٸ, دەپ حابارلايدى قازاقپارات.
«كوروناۆيرۋس قاتەرٸنە بايلانىستى «سامۇرىق-قازىنا» قورى قىزمەتكەلەرٸنٸڭ قاشىقتان جۇمىس ٸستەۋٸ تەجٸريبەسٸن قولدايمىز. الدىڭعى قاتارلى بٸرقاتار اناليتيكالىق اگەنتتٸكتەردٸڭ بولجامىنا سەيكەس, اتالعان ترەند وسى پاندەمييانىڭ ۇزاق مەرزٸمدٸ سالدارىنىڭ بٸرٸ بولماق», - دەپ توقتالدى ٷكٸمەت باسشىسى.
سونىمەن قاتار ا. مامين مەملەكەتتٸك ورگاندار قىزمەتشٸلەرٸنٸڭ قاشىقتان جۇمىس ٸستەۋٸ تەجٸريبەسٸ تۋرالى ايتتى.
«بۇل تەجٸريبە ٷكٸمەتتە دە, ٶڭٸرلەردە دە ٸسكە اسىرىلۋدا. بٷگٸندە 23 مەملەكەتتٸك ورگان «بۇلتتى» قۇجات اينالىمعا قوسىلعان. قىزمەتكەرلەرگە قاشىقتان جۇمىس ٸستەۋگە مٷمكٸندٸك جاسالدى. مەمورگانداردىڭ 70 پايىزعا جۋىق قىزمەتشٸسٸ قاشىقتان جۇمىس ٸستەۋ رەجيمٸنە كٶشتٸ. قاشىقتان جۇمىس تەجٸريبەسٸ تاپسىرمانى ورىنداۋ ساپاسىن تٶمەندەتپەگەنٸن كٶرسەتتٸ. قاۋلىلاردى قابىلداۋ مەرزٸمٸ ەكٸ ەسەگە ازايدى, 22-دەن 13 جۇمىس كٷنٸنە دەيٸن», - دەدٸ اسقار مامين.
