Búgin Úkimet otyrysynda QR premer-ministri Baqytjan Saǵyntaev Densaýlyq saqtaý ministri Eljan Birtanovtyń jumysyn synady, dep habarlaidy Baq.kz tilshisi.
«Densaýlyq saqtaý ministrligi 13 mlrd teńgeni igermegen. Eljan Amantaiuly (Eljan Birtanov, Densaýlyq saqtaý ministri – avtor), dáriler alynbai jatyr. Naýryz aiynyń ortasyna keldik. Al halyqqa áli dári jetpei jatyr. Bul máseleni qalai sheshesizder?» - dedi Úkimet basshysy.
Osy oraida Eljan Birtanov mundai máseleniń bar ekenin joqqa shyǵarmady.
«Qazirgi tańda 94% dári-dármek satyp alyndy. Jalpy óńirlerge 85% dári jetkizildi. Qalǵan dárilerdi satyp alý úshin biz tiisti jumystardy júrgizip jatyrmyz. Jalpy óńirlerge qajetti dáriler jetkizilgen», - dedi Densaýlyq saqtaý ministri.
Keiin ol igerilmegen qarjy máselesine toqtaldy.
«Al igerilmegen 12 mlrd teńgege toqtalaiyn. Onyń 10 mlrd teńgesi meditsinalyq qyzmetterdi tóleý komitetiniń jeltoqsan aiyndaǵy iaǵni sońǵy eki aptadaǵy aqshalarynyń ýaqytynda tólenbeýimen bailanysty. Qajetti normativtik quqyqtyq aktini qabyldaýǵa bailanysty olarǵa aqsha kishkene keshiktirilip tólendi», - dedi Eljan Birtanov.
