بٷگٸن ٷكٸمەت وتىرىسىندا قر پرەمەر-مينيسترٸ باقىتجان ساعىنتاەۆ دەنساۋلىق ساقتاۋ مينيسترٸ ەلجان بٸرتانوۆتىڭ جۇمىسىن سىنادى, دەپ حابارلايدى Baq.kz تٸلشٸسٸ.
«دەنساۋلىق ساقتاۋ مينيسترلٸگٸ 13 ملرد تەڭگەنٸ يگەرمەگەن. ەلجان امانتايۇلى (ەلجان بٸرتانوۆ, دەنساۋلىق ساقتاۋ مينيسترٸ – اۆتور), دەرٸلەر الىنباي جاتىر. ناۋرىز ايىنىڭ ورتاسىنا كەلدٸك. ال حالىققا ەلٸ دەرٸ جەتپەي جاتىر. بۇل مەسەلەنٸ قالاي شەشەسٸزدەر?» - دەدٸ ٷكٸمەت باسشىسى.
وسى ورايدا ەلجان بٸرتانوۆ مۇنداي مەسەلەنٸڭ بار ەكەنٸن جوققا شىعارمادى.
«قازٸرگٸ تاڭدا 94% دەرٸ-دەرمەك ساتىپ الىندى. جالپى ٶڭٸرلەرگە 85% دەرٸ جەتكٸزٸلدٸ. قالعان دەرٸلەردٸ ساتىپ الۋ ٷشٸن بٸز تيٸستٸ جۇمىستاردى جٷرگٸزٸپ جاتىرمىز. جالپى ٶڭٸرلەرگە قاجەتتٸ دەرٸلەر جەتكٸزٸلگەن», - دەدٸ دەنساۋلىق ساقتاۋ مينيسترٸ.
كەيٸن ول يگەرٸلمەگەن قارجى مەسەلەسٸنە توقتالدى.
«ال يگەرٸلمەگەن 12 ملرد تەڭگەگە توقتالايىن. ونىڭ 10 ملرد تەڭگەسٸ مەديتسينالىق قىزمەتتەردٸ تٶلەۋ كوميتەتٸنٸڭ جەلتوقسان ايىنداعى ياعني سوڭعى ەكٸ اپتاداعى اقشالارىنىڭ ۋاقىتىندا تٶلەنبەۋٸمەن بايلانىستى. قاجەتتٸ نورماتيۆتٸك قۇقىقتىق اكتٸنٸ قابىلداۋعا بايلانىستى ولارعا اقشا كٸشكەنە كەشٸكتٸرٸلٸپ تٶلەندٸ», - دەدٸ ەلجان بٸرتانوۆ.
