Búgin QR Úkimetiniń otyrysynda áleýmettik mańyzy bar azyq-túlik taýarlaryna baǵa turaqtylyǵyn qamtamasyz etý týraly máseleni qarastyrý barysynda QR Premer-Ministri Baqytjan Saǵyntaev birqatar naqty tapsyrmalar berdi, dep habarlaidy "Ult aqparat".
Ulttyq ekonomika jáne aýyl sharýashylyǵy ministrleriniń áleýmettik mańyzy bar azyq-túlik taýarlarynyń baǵasy máseleleri týraly baiandamalaryn tyńdaǵan soń Premer-Ministr óńirlerdiń ákimderine naryqtardyń azyq-túlik ónimderimen tolyǵýy, saýda infraqurylymyn damytý jáne delaldardy boldyrmaý boiynsha sharalardy iske asyrýdy baqylaýǵa alýdy tapsyrdy. Meiram kúnderi kóp jeltoqsan aiynda bul máselege erekshe kóńil bólinýi kerek. Bul jaǵdai eskerilip, qatań baqylaýǵa alynýy tiis.
«Azyq-túlik baǵasyna qatysty ákimderge naryqty azyq-túlik ónimderimen molaitý, saýda infraqurylymyn damytý jáne deldaldardy joiý boiynsha sharalardy iske asyrýdy baqylaýda ustaýdy tapsyramyn. Muny jeltoqsandaǵy mereke kúnderinde jáne Jańa jyldyń aldyndaǵy kezeńde erekshe baqylaýda ustaýlaryńyzdy suraimyn. Bul jaǵdaidy tolyq baqylaýǵa alyńyzdar!
Baǵalar ósip jatyr. Keibir óńirlerdiń qyrkúiektegi depozitteriniń eshqandai ózgerissiz jatqanyn kórip otyrmyz. Iaǵni, turaqtandyrý qorlarynyń jumysyn tolyqqandy atqarmai jatyr. Sol sebepti Ulttyq ekonomika jáne Aýyl sharýashylyǵy ministrlikterine baǵa serpinin jáne turaqtandyrý qorlaryn qalyptastyrýdy monitoringilep otyrýdy tapsyramyn. Ómirzaq Estaiuly, baǵa máselesin baqylaý ózińizde», - dedi Úkimet basshysy.
Sonymen qatar B. Saǵyntaev jinalǵan ónim men ekinshi deńgeili bankterdegi depozitterde qarajattyń bolýyna qaramastan, Turaqty qorlardaǵy qor tiisti dárejede tolyqtyrylmai otyrǵanyn aitty. Baǵa ósip jatyr. Al keibir óńirlerde depozitter bankterde esh qozǵaýsyz jatyr, Turaqty qorlar bolsa, óz jumystaryn tolyq atqaryp otyrǵan joq.
Ulttyq ekonomika jáne aýyl sharýashylyǵy ministrlikterine baǵa dinamikasyna jáne Turaqty qorlardyń qalyptasýyna turaqty túrde úilestirý jáne monitoring jumystaryn júrgizý tapsyryldy.
