Usynystar týraly Parlament Senatynda ótip jatqan dóńgelek ústelde eńbek jáne halyqty áleýmettik qorǵaý ministri Birjan Nurymbetov aityp berdi, – dep habarlaidy QazAqparat.
«Azamattardyń zeinetaqy qoryndaǵy jinaǵyn eskere otyryp, zeinetaqy jinaǵyn paidalaný boiynsha Úkimet (Prezidentke – avt.) kelesi usynystardy berdi. Mundaǵy negizgi qaǵidat – zeinetaqy qoryndaǵy azamattardyń jarnalary, eń birinshi kezekte, zeinetaqylyq qamsyzdanýyna arnalǵan. Osyny eskerýimiz kerek. Sondyqtan eki usynys berdik. Jumys istep júrgen azamattardyń jinaǵy jetkilikti shekten asatyn bolsa (iaǵni, 30 jastaǵy azamattyń jinaǵy 6,7 mln teńgeden, 50 jastaǵy azamattyń jinaǵy 7,2 mln teńgeden, zeinet jasyna jetken azamattyń jinaǵy 8,2 mln teńgeden asqan jaǵdaida – osy somadan asqan jinaqtyń bóligin) ol zeinetaqy jinaǵynyń bir bóligin ala alady. Iaǵni, bul jerde bir nársege nazar aýdartqym keledi: jalpy, zeinetaqy anýitetti belgileitin soma men biz usynǵan somanyń aiyrmashylyǵy bar. Qazirgi jetkilikti soma – turǵyn úi alýda ár salymshynyń jasyna bailanysty bolýy kerek. Iaǵni, mysaly, 30 jastaǵy azamat bolsa, onyń taǵy 33 jyl jinaýyna múmkindik bar. Mundai azamattardyń sany 100 myńnan asady», - dedi Birjan Nurymbetov.
Ministr ekinshiden, zeinet jasyna jetip, zeinetaqylaryn alyp otyrǵan azamattar jinaǵynyń 50 paiyzyn alýyna bolatynyn aitady.
«Bul jerde osy azamattyń bazalyq zeinetaqysy men memlekettiń tóleitin yntymaqtyq zeinetaqysyn qosqan kezde onyń zeinetke shyqqan tabysynyń keminde 40 paiyzyn quraýy tiis. Bul – halyqaralyq eńbek uiymynyń ustanymy. Ondai sanatta bizde 120 myńdai adam bar. Osy eki tártipti Úkimet tarapynan usyndyq. Jetkilikti somadan artyq aqshany birinshi kezekte turǵyn úi máselesin sheshýge nemese qymbat turatyn emdeý máselesine, ne bolmasa jarnalaryn investitsiialaý úshin jeke menshik zeinetaqy jinaǵyn basqarý kompaniialaryna óz erkimen aýdarýǵa bolady», - dedi ol.
Ministr bul usynystar Úkimettiń janyndaǵy ekonomikalyq keńeste talqylanyp, Úkimet atynan Prezidentke usynys retinde berilgenin málim etti.
