Úkimet otyrysynda Astana aglomeratsiiasyn damytýdyń 2024-2028 jyldarǵa arnalǵan keshendi josparynyń jobasy maquldandy, dep habarlaidy "Ult aqparat" "QazAqparat" agenttigine silteme jasap.
«Qalaǵa jaqyn mańdaǵy eldi-mekenderde halyq sanynyń kúrt ósýi men elordaǵa kúndelikti kelip-ketetin adamdardyń legi aglomeratsiianyń negizgi problemalary bolyp tabylady. Bul Astana qalasynyń infraqurylymy men ekologiiasyna jáne qaýipsizdigine túsetin júktemeni edáýir arttyrady. Adamdar elordaǵa jaqyn mańda turǵysy keledi. Ony túsinýge bolady. Alaida, mundai kóshi-qon eńbek naryǵyna áserin tigizedi, oblysta jumyssyzdyqtyń ósýine yqpal etedi. Sondyqtan, atalǵan problemalardy sheshý úshin aýqymdy jumys jasaýǵa týra keledi. Usynylyp otyrǵan keshendi jospar osy baǵyttaǵy negizgi baǵdarlamalyq qujat bolady», — dedi Premer-Ministr Oljas Bektenov atalǵan jobany talqylaý barysynda.
Onyń aitýynsha, qala mańyndaǵy aýyldardyń sýmen qamtamasyz etý, sý burý, elektrmen jabdyqtaý, joldardyń jai-kúii siiaqty ózderiniń problemalary da barshylyq.
«Bul rette Jospardy iske asyrý osyndai ózekti problemalardyń da sheshimin tabýǵa tiis dep sanaimyn. Sonymen qatar, elorda irgesindegi aýyldarda turaqty jumys oryndaryn ashý qajet. Astana qalasy aglomeratsiianyń ózegi retinde irgeles jatqan aýmaqtardyń ornyqty damýyna negiz bolady. Bul elorda men oǵan jaqyn mańdaǵy eldi mekenderdiń turmys deńgeiiniń arasyndaǵy teńgerimsizdikti azaitýǵa múmkindik beredi», — dedi Úkimet basshysy.
Premer-Ministrdiń sózine qaraǵanda, keshendi jospardy iske asyrý kezinde kólik-kommýnikatsiia, saýda-logistika, injenerlik-kommýnaldyq jáne áleýmettik infraqurylymnyń birtutas keshenin qurý úshin investitsiialar tartýǵa qolaily jaǵdai jasaý kerek. Aglomeratsiianyń negizgi maqsaty da osy bolýǵa tiis.
Sondai-aq, 45 aýyldyq eldi mekenniń árqaisysyna ózindik ekonomikalyq erekshelik berý qajet.
«Sol kezde aýyldarmen qatar, Astana qalasy da mal jáne ósimdik sharýashylyǵynyń, qurylys indýstriiasynyń, sondai-aq basqa da salalardyń qajetti ónimderimen ózin-ózi qamtamasyz etýge qol jetkize alady. Áli kúnge deiin elorda ainalasynda azyq-túlik beldeýin qurý máselesi tolyǵymen sheshilgen joq. Ony moiyndaý kerek. Ony osy eldi mekenderde jasaýǵa bolady. Jalpy, barlyq is-sharalardy jaýapty ári sapaly iske asyrý elorda men qala mańyndaǵy aimaqtardyń ekonomikalyq damý tiimdiligin arttyrýǵa múmkindik beredi», — dedi ol.
Osydan keiin Úkimet basshysy áriptesterin usynylǵan jobany maquldaýǵa jáne tiisti qaýlyǵa daýys berýge shaqyrdy. Osylaisha, Úkimet músheleri qujatty maquldady.
«Aqmola oblysy men Astana qalasynyń ákimdikteri múddeli memlekettik organdarmen birlesip, keshendi jospardaǵy is-sharalardyń ýaqtyly jáne sapaly oryndalýyn qamtamasyz etýi qajet. Qarjy ministrligine ákimdiktermen jáne múddeli memlekettik organdarmen birlesip, Jospardyń is-sharalaryn ýaqtyly qarjylandyrýdy qamtamasyz etýdi tapsyramy», — dedi Oljas Bektenov.
