QR Úkimeti 5 shildeden bastap elimizde 14 kúnge karantin jariialaýdy usyndy, – dep habarlaidy «Ult aqparat».
«Úkimet 5 shildeden bastap 14 kúnge karantin jariialaý týraly (ol uzartylýy da múmkin) josparyn usyndy. Erteń Vedomstvoaralyq komissiianyń otyrysynan keiin Densaýlyq saqtaý ministri túsinikteme beredi», – dep jazdy QR Prezidenti Qasym-Jomart Toqaev Twitter-de.
Buǵan deiin densaýlyq saqtaý ministri Aleksei Tsoi Qazaqstanda COVID-19 taralýyn toqtatýǵa bailanysty 3 stsenarii usynǵan bolatyn.
Vedomstvo basshysy aitqan úsh joldyń biri - barsha el boiynsha eki aptaǵa qatań karantin jariialaý. Ol kóktemdegidei karantin engizilse, elde táýligine aýrýhanaǵa jatqyzylýy tiis jeti myń naýqas bolatynyn alǵa tartty. Ministrdiń aitýynsha, tamyz aiynyń sońynda aýrýhanalarda 80 myń oryn qajet bolady.
