Foto: Úkimet
Úkimet otyrysynda 2025 jyldyń 11 aiyndaǵy áleýmettik-ekonomikalyq damý qorytyndylary qaraldy, dep habarlaidy Ult.kz.
QR UEM derekteri boiynsha, basty kórsetkish – JIÓ-niń ósimi, ol 6,4%-ǵa jetken.
Prezidenttiń sapaly damýdy qamtamasyz etý jáne halyqtyń ál-aýqatyn arttyrý jónindegi tapsyrmalaryn oryndaý sheńberinde el ekonomikasy senimdi ósý qarqynyn kórsetýde.
Negizgi draiverler ósimi 7,3%-dan 7,4%-ǵa deiin jedeldegen ónerkásip pen 6,1%-ǵa ilgerilegen aýyl sharýashylyǵy boldy. Turaqty damýdy naqty ekonomikanyń basqa sektorlary da kórsetip otyr. Atap aitqanda, kólik salasy 20,3%-ǵa, qurylys 14,7%-ǵa ósti, al saýda 8,8%-ǵa artty.
«Ekonomika syrtqy jaǵdailarǵa beiimdelip, turaqty damý jolyna tústi. Biz bazalyq salalarda jedeldeý baryn kórip otyrmyz, bul áleýmettik mindettemelerdi oryndaý jáne aýqymdy infraqurylymdyq jobalardy júzege asyrý úshin berik negiz qalaidy», — dedi Premer-ministrdiń orynbasary – ulttyq ekonomika ministri Serik Jumanǵarin.
