QR Premer-Ministriniń orynbasary Eraly Toǵjanov 5 shildeden bastap engiziletin shekteý sharalaryna qosymsha sheshimder qabyldanýy múmkin ekenin aitty, dep habarlaidy "Ult aqparat".
«Belgilengen 14 kún aralyǵynda atalǵan sharalardyń tiimdiligine monitoring júrgizilip, naqty qorytyndylar shyǵarylyp otyrady. Nátije bermegen jaǵdaida shekteý sharalary boiynsha qosymsha sheshimder qabyldanýy múmkin. Sonymen qatar, búgin kún tártibinde turǵan negizgi másele – meditsinalyq mekemelerde koronavirýspen aýyrǵandardy emdeýge arnalǵan jatyn oryn sanyn arttyrý. Memleket basshysynyń tapsyrmasyna orai, shilde aiynyń sońyna deiin infektsiialyq jáne provizorlyq oryn sany 50 paiyzǵa arttyrylyp, 28 myńnan 42 myńǵa deiin jetkiziletin bolady», - dedi E. Toǵjanov búgin Ortalyq kommýnikatsiialar qyzmetinde ótken baspasóz máslihatynda.
Onyń sózine qaraǵanda, tamyz aiyna deiin PTR-testilermen qamtylý táýligine 30 myńnan 39 myńǵa deiin jetkiziledi.
