Ýhanda ushaqqa jiberilmegen qazaqstandyq stýdentten koronavirýs tabylǵan joq. Bul týraly búgin BAQ ókilderimen kezdesken QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Búgin Syrtqy ister ministrliginen kelgen aqparatqa sáikes, dene qyzýyna bailanysty Ýhan áýejaiynda ushaqqa jiberilmegen stýdent qyzymyzǵa qatysty aqparat tústi. Oǵan birneshe zertteý júrgizilip, monitoring jasalǵan. Odan virýs tabylǵan joq. Onyń deni saý. Bul óte jaqsy jańalyq», - dedi ministr.
Aita keteiik, buǵan deiin QR Densaýlyq saqtaý ministrliginiń resmi ókili Dias Ahmetshárip Ýkraina áýe jelileri ushaǵymen Qytaidyń Ýhan qalasynan elimizge jetkizilýi tiis stýdent qyzdyń bortqa jiberilmegendigin aitqan bolatyn.
«Ekinshi stýdent qyz da osy reispen ushyp kelýi tiis edi. Biraq, ushaqqa otyrǵyzar sátte onyń dene qyzýy 37 gradýs ekendigi anyqtaldy jáne Qytai biligi ony bortqa jibermedi. Sebebi bul Qytai biligi tarapynyń standartty sharasy sanalady. Ázirshe, ol Ýhan qalasynda. Biz onyń densaýlyǵyn qadaǵalap otyramyz», - degen edi ministrlik ókili.
