ۋحاندا ۇشاققا جٸبەرٸلمەگەن قازاقستاندىق ستۋدەنتتەن كوروناۆيرۋس تابىلعان جوق. بۇل تۋرالى بٷگٸن باق ٶكٸلدەرٸمەن كەزدەسكەن قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى "ۇلت اقپارات".
«بٷگٸن سىرتقى ٸستەر مينيسترلٸگٸنەن كەلگەن اقپاراتقا سەيكەس, دەنە قىزۋىنا بايلانىستى ۋحان ەۋەجايىندا ۇشاققا جٸبەرٸلمەگەن ستۋدەنت قىزىمىزعا قاتىستى اقپارات تٷستٸ. وعان بٸرنەشە زەرتتەۋ جٷرگٸزٸلٸپ, مونيتورينگ جاسالعان. ودان ۆيرۋس تابىلعان جوق. ونىڭ دەنٸ ساۋ. بۇل ٶتە جاقسى جاڭالىق», - دەدٸ مينيستر.
ايتا كەتەيٸك, بۇعان دەيٸن قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ ۋكراينا ەۋە جەلٸلەرٸ ۇشاعىمەن قىتايدىڭ ۋحان قالاسىنان ەلٸمٸزگە جەتكٸزٸلۋٸ تيٸس ستۋدەنت قىزدىڭ بورتقا جٸبەرٸلمەگەندٸگٸن ايتقان بولاتىن.
«ەكٸنشٸ ستۋدەنت قىز دا وسى رەيسپەن ۇشىپ كەلۋٸ تيٸس ەدٸ. بٸراق, ۇشاققا وتىرعىزار سەتتە ونىڭ دەنە قىزۋى 37 گرادۋس ەكەندٸگٸ انىقتالدى جەنە قىتاي بيلٸگٸ ونى بورتقا جٸبەرمەدٸ. سەبەبٸ بۇل قىتاي بيلٸگٸ تاراپىنىڭ ستاندارتتى شاراسى سانالادى. ەزٸرشە, ول ۋحان قالاسىندا. بٸز ونىڭ دەنساۋلىعىن قاداعالاپ وتىرامىز», - دەگەن ەدٸ مينيسترلٸك ٶكٸلٸ.
