Almatyda Qytaidan kelgen dárigerler delegatsiiasynyń onlain sabaqtary jalǵasyp jatyr, dep habarlaidy QazAqparat.
Búgin pýlmonolog dáriger Tsiý Gaýnfeng naýqastarǵa psihologiialyq kómek kórsetýdiń mańyzdylyǵy týraly aitty.
Onyń aitýynsha, oqshaýlanǵan adamdar júikesi juqaryp, sharshaidy. Sonymen qatar olardyń júris-turysyna tyiym salynady.
Sol úshin patsienttermen sóilesip, jattyǵý júrgizip turǵan durys.
Qytai dárigeri mysal retinde qazaq dárigeriniń «Qara jorǵa» biiniń Ýhandaǵy koronavirýspen aýyrǵan naýqastarǵa qalai kómekteskenin aityp berdi.
«Naýqastarmen videobailanys arqyly sabaq ótkizip, únemi bailanysta bolǵan jón. Ár patsientpen jeke kúnine 2 ret tynys alý júiesin jaqsartatyn jattyǵý jasap, bi bileý kerek. Bizde modýldi aýrýhanalardyń birinde ulty qazaq dárigerlerdiń biri «Qara jorǵa» biin bileýdi úiretti. Bul patsientterdi emotsiialyq jaǵynan da, fizikalyq jaǵynan da bir serpiltip tastaǵany ras. Osy biden keiin patsientterdiń kópshiligi birazǵa deiin eńseleri tik, kóterińki kóńil kúimen júrdi», - dedi dáriger Tsiý Gaýnfeng.
Aita ketý kerek, Almatyda Qytai dárigerleriniń onlain sabaqtary jalǵasyp jatyr.
