الماتىدا قىتايدان كەلگەن دەرٸگەرلەر دەلەگاتسيياسىنىڭ ونلاين ساباقتارى جالعاسىپ جاتىر, دەپ حابارلايدى قازاقپارات.
بٷگٸن پۋلمونولوگ دەرٸگەر تسيۋ گاۋنفەنگ ناۋقاستارعا پسيحولوگييالىق كٶمەك كٶرسەتۋدٸڭ ماڭىزدىلىعى تۋرالى ايتتى.
ونىڭ ايتۋىنشا, وقشاۋلانعان ادامدار جٷيكەسٸ جۇقارىپ, شارشايدى. سونىمەن قاتار ولاردىڭ جٷرٸس-تۇرىسىنا تىيىم سالىنادى.
سول ٷشٸن پاتسيەنتتەرمەن سٶيلەسٸپ, جاتتىعۋ جٷرگٸزٸپ تۇرعان دۇرىس.
قىتاي دەرٸگەرٸ مىسال رەتٸندە قازاق دەرٸگەرٸنٸڭ «قارا جورعا» بيٸنٸڭ ۋحانداعى كوروناۆيرۋسپەن اۋىرعان ناۋقاستارعا قالاي كٶمەكتەسكەنٸن ايتىپ بەردٸ.
«ناۋقاستارمەن ۆيدەوبايلانىس ارقىلى ساباق ٶتكٸزٸپ, ٷنەمٸ بايلانىستا بولعان جٶن. ەر پاتسيەنتپەن جەكە كٷنٸنە 2 رەت تىنىس الۋ جٷيەسٸن جاقسارتاتىن جاتتىعۋ جاساپ, بي بيلەۋ كەرەك. بٸزدە مودۋلدٸ اۋرۋحانالاردىڭ بٸرٸندە ۇلتى قازاق دەرٸگەرلەردٸڭ بٸرٸ «قارا جورعا» بيٸن بيلەۋدٸ ٷيرەتتٸ. بۇل پاتسيەنتتەردٸ ەموتسييالىق جاعىنان دا, فيزيكالىق جاعىنان دا بٸر سەرپٸلتٸپ تاستاعانى راس. وسى بيدەن كەيٸن پاتسيەنتتەردٸڭ كٶپشٸلٸگٸ بٸرازعا دەيٸن ەڭسەلەرٸ تٸك, كٶتەرٸڭكٸ كٶڭٸل كٷيمەن جٷردٸ», - دەدٸ دەرٸگەر تسيۋ گاۋنفەنگ.
ايتا كەتۋ كەرەك, الماتىدا قىتاي دەرٸگەرلەرٸنٸڭ ونلاين ساباقتارى جالعاسىپ جاتىر.
