© Reuters
Amerikalyq akter Ýill Smit sahnadaǵy áreketi úshin keshirim surady. Ol "Oskar" syilyǵyn tabystaý rásiminde júrgizýshi Kris Rokty shapalaqpen uryp jibergen bolatyn. Gollivýd juldyzy Instagram-paraqshasynda oqiǵaǵa qatysty pikirin jariialady, - dep habarlaidy Tengrinews.kz.
"Kez kelgen túrdegi zorlyq-zombylyq ýly jáne joiqyn. Keshe túndegi minez-qulqym ersi jáne keshirilmeidi", - dep jazdy Smit.
Ol óz tarapyna aitylǵan ázilderdi tyńdaý akterlik jumysynyń bir bóligi ekenin, biraq áieliniń densaýlyǵyna qatysty eskertý emotsiialyq reaktsiia týdyrǵanyn aitty.
"Kris, senen kópshilik aldynda keshirim suraimyn. Men shekten shyqtym, meniki qate boldy. Óz isime uialamyn... Mahabbat pen meiirimdilik áleminde zorlyq-zombylyqqa oryn joq", - dep jazdy Smit.
Akter amerikalyq kinoakademiiasynan, shoýdy uiymdastyrýshylardan jáne jinalǵandardan, sondai-aq kórermennen keshirim surady.
Ýill Smit jeksenbide Los-Andjelestegi 2022 jylǵy "Oskar" syilyǵynda tennisshiler Vinýs pen Serena Ýiliamstyń balalyq shaǵy týraly "Korol Richard" filmi úshin "Úzdik er adam roli" júldesin jeńip aldy.
Oqiǵa "Oskar" jeńimpazdaryn marattaý keshinde Kris Rok Smittiń áieli Djeida Pinkett-Smittiń shash úlgisine ázildegennen keiin boldy. Buǵan deiin Pinkett-Smit shashy túsip jatqany týraly aitqan bolatyn, ol osy rásimge shashyn taqyrlap alyp tastap keldi. Osy sózderden keiin Ýill Smit sahnaǵa shyǵyp, áriptesiniń betinen shapalaqpen urady. Akter ornyna oralǵannan keiin ol Rokqa áieline abailap sóileý kerek ekenin aityp aiǵailaidy.
CNN arnasynyń málimetinshe, AQSh kinoakademiiasy Ýill Smittiń áreketine qatysty tergeý bastaǵan.
