Dimash Qudaibergenniń qaryndasy Raýshan Qudaibergen men onyń jary Ermahan Aimahan otbasylyq ómirleri men tanystyq hikaiasy týraly syr shertti, dep habarlaidy ult.kz malim.kz saityna silteme jasap.
Erli-zaiypty «1001 tún» baǵdarlamasynda qonaq bolyp, shańyraq kótergennen keiingi ózgerister jaily áńgimeledi. Raýshannyń aitýynsha, otbasyn qurǵannan keiin olardyń ómirge, otbasyǵa jáne bir-birine degen kózqarastary aitarlyqtai ózgergen.
«Ýaqyt óte kele adam túrli jaǵdailardyń áserinen ózgeredi. Úilengennen keiin qatty baiqaldy. Turmys qurǵan soń muny anyq sezindik. Bir-birimizdi túsiný deńgeiimiz artyp, kóptegen máselege degen kózqarasymyz ózgerdi», – dedi ol.
Al Ermahan Aimahan bolashaq jarymen alǵash ret teatr ujymymen birge demalys kezinde tanysqanyn aitty. Onyń sózinshe, bul kezdesý Astanadaǵy Mýzykalyq jas kórermen teatrynyń alǵashqy maýsymy aiaqtalǵannan keiin uiymdastyrylǵan timbilding barysynda bolǵan.
«Raýshannyń ata-anasy men Ashat Maemirov kóp jyldan beri aralasatyn jandar. Sol sharada alǵash ret kórip, tanystyq», – dedi akter.
Aita keteiik, Raýshan Qudaibergen men Ermahan Aimahannyń úilený toiy 2025 jyldyń 8 tamyzynda Shymkent qalasynda ótken bolatyn.
