Nurai Serikbaidyń ólimine qatysty ótip jatqan sot otyrysynda aiyptalýshy Sherhannyń ákesi Álmahan Makenov kýálik berdi, dep habarlaidy ult.kz.
Onyń aitýynsha, uly sýyq qarýǵa áýes bolmaǵan, úiinde eshqandai qarý-jaraq kollektsiiasy bolmaǵan. Sondai-aq ol Nuraidyń úige óz erkimen kelgenin jáne sol kúni kóńil kúii jaqsy bolǵanyn málimdedi.
Alaida bul málimdemelermen marqumnyń ákesi Baýyrjan Saǵymbek kelispeitinin aitty. Onyń sózinshe, Sherhan qyzdy kúshtep kólikke otyrǵyzyp, telefonyn tartyp alǵan jáne Almatydan Shymkentke alyp ketken. Sondai-aq qyzyna uzaq ýaqyt boiy psihologiialyq qysym kórsetilgenin jetkizdi.
Baýyrjan Saǵymbektiń pikirinshe, eger quqyq qorǵaý organdary qyzdy urlaý men ańdýǵa qatysty aryzdarǵa der kezinde nazar aýdarǵanda jáne aiyptalýshynyń ata-anasy ulynyń áreketine erterek aralasqanda, qaiǵyly oqiǵanyń aldyn alýǵa bolar edi.
Sot barysynda ol buǵan deiin de Sherhannyń ákesine birneshe ret eskertý jasaǵanyn aityp, ulynyń Nuraidy ańdyp, mazasyn alyp júrgenin jetkizgenin málimdedi. Osy sátte marqumnyń ákesi aiyptalýshynyń ákesine qarata: «Uiat joq sende!» dep emotsiiaǵa berildi.
Nurai Serikbaidyń ólimine qatysty is boiynsha sot protsesi jalǵasyp jatyr.
