Ýganda biligi qurǵaqshylyqtan adamdardy qurbandyqqa shalý jaǵdaiy kóbeiip ketkenin aityp otyr, - dep habarlaidy kaz.tengrinews.kz Fox News-qa silteme jasap.
Elde qyrkúiek aiynda nanym-senim boiynsha adam óltirdi degen kúdikpen 44 adam ustalǵan. Olardyń biri segiz áieldi óltirgenin moiyndaǵan. "Munyń bári nanym-senimge bailanysty jasalǵan delinedi. Qalǵan kúdiktilerdi qamap, bul yrymdy joiý úshin barymyzdy salamyz", - dep atap ótti Ýganda politsiiasynyń general-inspektory Keil Kaiihýra.
Adamdy qurbandyqqa shalýmen jáne adam saýdasymen kúres jónindegi politsiia basqarmasynyń basshysy Mozes Binoga 2016 jyly dýagerlerdiń jeti balany qurbandyqqa shalǵanyn málimdedi. 2015 jyly jeti bala men alty eresek adam nanym-senim qurbany bolǵan.
Lenta.ru málimetinshe, qurbandyqqa shalý kezinde adamnyń múshelerin tiridei kesip, qanyn soryp alady eken. Shyǵys Afrika jarty ǵasyrda bolmaǵan qurǵaqshylyqty bastan keshirip otyr. Sonyń kesirinen Ýgandanyń 1,6 million turǵyny asharshylyqqa tap bolýy múmkin.
