ۋگاندا بيلٸگٸ قۇرعاقشىلىقتان ادامداردى قۇرباندىققا شالۋ جاعدايى كٶبەيٸپ كەتكەنٸن ايتىپ وتىر, - دەپ حابارلايدى kaz.tengrinews.kz Fox News-قا سٸلتەمە جاساپ.
ەلدە قىركٷيەك ايىندا نانىم-سەنٸم بويىنشا ادام ٶلتٸردٸ دەگەن كٷدٸكپەن 44 ادام ۇستالعان. ولاردىڭ بٸرٸ سەگٸز ەيەلدٸ ٶلتٸرگەنٸن مويىنداعان. "مۇنىڭ بەرٸ نانىم-سەنٸمگە بايلانىستى جاسالعان دەلٸنەدٸ. قالعان كٷدٸكتٸلەردٸ قاماپ, بۇل ىرىمدى جويۋ ٷشٸن بارىمىزدى سالامىز", - دەپ اتاپ ٶتتٸ ۋگاندا پوليتسيياسىنىڭ گەنەرال-ينسپەكتورى كەيل كاييحۋرا.
ادامدى قۇرباندىققا شالۋمەن جەنە ادام ساۋداسىمەن كٷرەس جٶنٸندەگٸ پوليتسييا باسقارماسىنىڭ باسشىسى موزەس بينوگا 2016 جىلى دۋاگەرلەردٸڭ جەتٸ بالانى قۇرباندىققا شالعانىن مەلٸمدەدٸ. 2015 جىلى جەتٸ بالا مەن التى ەرەسەك ادام نانىم-سەنٸم قۇربانى بولعان.
Lenta.ru مەلٸمەتٸنشە, قۇرباندىققا شالۋ كەزٸندە ادامنىڭ مٷشەلەرٸن تٸرٸدەي كەسٸپ, قانىن سورىپ الادى ەكەن. شىعىس افريكا جارتى عاسىردا بولماعان قۇرعاقشىلىقتى باستان كەشٸرٸپ وتىر. سونىڭ كەسٸرٸنەن ۋگاندانىڭ 1,6 ميلليون تۇرعىنى اشارشىلىققا تاپ بولۋى مٷمكٸن.
