Búgin fýtboldan UEFA Konferentsiia ligasy toptyq kezeńiniń birinshi týrynda qazaqstandyq «Qairat» alǵashqy oiynyn Kiprdiń «Omoniia» komandasyna qarsy ótkizdi, dep habarlaidy QazAqparat.
Búgingi oiynda eki komanda da jeńiske jetý jolyn izdedi. Alań ieleri tarapynan basymdyq baiqalyp turdy. Dese de almatylyq komanda oiynshylary kózdegen nysadan múlt jiberip jatty.
Ekinshi kezeńde de oiyn osylaisha órbidi. Degenmen tablodaǵy esep ózgerissiz qaldy.
Kezdesý 0:0 esebimen teń aiaqtaldy.
Sondai-aq, búgin atalǵan topta «Karabah» (Ázerbaijan) jáne «Bazel» (Shveitsariia) komandalary tartysqa túsedi.
Endi «Qairat» kelesi oiynyn 30 qyrkúiekte Shveitsariianyń «Bazel» komandasymen sheberlik baiqasady.
Eske salsaq, «Qairat» H tobynda synǵa túsedi. Qarsylastary - Shveitsariianyń «Bazel», Ázerbaijannyń «Karabah» jáne Kiprdiń «Omoniia» komandalary.
«Qairat» biyl eýrokýbok oiyndaryn Chempiondar ligasynyń birinshi irikteý satysynan bastady. Aldymen Izraildiń «Makkabi Haifa» (1:1, 2:0) jeńip, odan keiin Serbiianyń «Tsrvena Zvezda» komandasyna (2:1, 0:5) jol berdi.
Al Eýropa ligasy úshinshi irikteý satysynda Armeniianyń «Alashkertinen» (0:0, 2:3) jeńildi.
Konferentsiia ligasy plei-off satysynda Liýksembýrgtiń «Fola» klýbynyń (4:1, 3:1) osal tusyn tapty.
