بٷگٸن فۋتبولدان UEFA كونفەرەنتسييا ليگاسى توپتىق كەزەڭٸنٸڭ بٸرٸنشٸ تۋرىندا قازاقستاندىق «قايرات» العاشقى ويىنىن كيپردٸڭ «ومونييا» كومانداسىنا قارسى ٶتكٸزدٸ, دەپ حابارلايدى قازاقپارات.
بٷگٸنگٸ ويىندا ەكٸ كوماندا دا جەڭٸسكە جەتۋ جولىن ٸزدەدٸ. الاڭ يەلەرٸ تاراپىنان باسىمدىق بايقالىپ تۇردى. دەسە دە الماتىلىق كوماندا ويىنشىلارى كٶزدەگەن نىسادان مٷلت جٸبەرٸپ جاتتى.
ەكٸنشٸ كەزەڭدە دە ويىن وسىلايشا ٶربٸدٸ. دەگەنمەن تابلوداعى ەسەپ ٶزگەرٸسسٸز قالدى.
كەزدەسۋ 0:0 ەسەبٸمەن تەڭ اياقتالدى.
سونداي-اق, بٷگٸن اتالعان توپتا «كاراباح» (ەزەربايجان) جەنە «بازەل» (شۆەيتسارييا) كوماندالارى تارتىسقا تٷسەدٸ.
ەندٸ «قايرات» كەلەسٸ ويىنىن 30 قىركٷيەكتە شۆەيتسارييانىڭ «بازەل» كومانداسىمەن شەبەرلٸك بايقاسادى.
ەسكە سالساق, «قايرات» H توبىندا سىنعا تٷسەدٸ. قارسىلاستارى - شۆەيتسارييانىڭ «بازەل», ەزەربايجاننىڭ «كاراباح» جەنە كيپردٸڭ «ومونييا» كوماندالارى.
«قايرات» بيىل ەۋروكۋبوك ويىندارىن چەمپيوندار ليگاسىنىڭ بٸرٸنشٸ ٸرٸكتەۋ ساتىسىنان باستادى. الدىمەن يزرايلدٸڭ «ماككابي حايفا» (1:1, 2:0) جەڭٸپ, ودان كەيٸن سەربييانىڭ «تسرۆەنا زۆەزدا» كومانداسىنا (2:1, 0:5) جول بەردٸ.
ال ەۋروپا ليگاسى ٷشٸنشٸ ٸرٸكتەۋ ساتىسىندا ارمەنييانىڭ «الاشكەرتٸنەن» (0:0, 2:3) جەڭٸلدٸ.
كونفەرەنتسييا ليگاسى پلەي-وفف ساتىسىندا ليۋكسەمبۋرگتٸڭ «فولا» كلۋبىنىڭ (4:1, 3:1) وسال تۇسىن تاپتى.
