Frantsýz tergeýshileri Eýropa fýtbol qaýymdastyǵynyń (UEFA) burynǵy jetekshisi Mishel Platiniden birneshe saǵat jaýap alǵannan keiin 19 maýsymǵa qaraǵan túni bosatqan. Bul týraly AFP agenttigi habarlady.
18 maýsymda frantsýz politsiiasy Platinidi 2022 jyly álem chempionaty ótetin eldi tańdaý kezinde sybailas jemqorlyq qylmysy jasalǵan bolýy yqtimal degen kúdikpen qozǵalǵan is aiasynda ustaǵan.
63 jastaǵy Mishel Platinidiń ózi tergeý kezinde sóz bolǵan faktiler boiynsha barlyq aqparat bergenin aitty.
2010 jyly 2022 jylǵy álem chempionaty Katarda ótetini týraly sheshim qabyldanǵan kezde birqatar sheneýnik Katar ókilderi ózderine daýys berý úshin aqsha bergenin málimdegen. Halyqaralyq fýtbol federatsiiasynyń (FIFA) táýelsiz komissiiasy tergeý júrgizip, bul málimdemelerge dálel tappaǵan.
2015 jyly FIFA-nyń etika jónindegi komiteti Platinidi segiz jylǵa fýtboldan shettetken.
